ژبەر ئەرزانیێ خەلك قەستا بازارێن ئاوارەیان دكن
تۆرا لالش یا راگەهاندنێ/كاروان باعەدری
پشتی هاتنا ئاوارەیان بۆ پارێزگەها دهۆكێ،چەندین بازارێن بەرفرەه ل كەمپان داناینە و ب بازارێن هەژارا ب ناڤ دكن و رۆژانە ب هەزاران خەلكێن ئاوارە و یێن نە ئاوارە قەستا ڤان بازاران دكن ب مەرەما كرینا تشتین ناڤ مالێ.
شەرۆ قێران،فرۆشیارەكێ شنگالێ یە و خودانێ فرۆشگەها كەسكاتیێ زەرزەواتی یە ل كەمپا ئێسیا دیاركر:”رۆژانە چەندین جۆرێن كەسكاتی و زەرزەواتی دئینینە فرۆشگەها خۆ بۆ ئاوارەیان و ب بهایەكێ ئەرزان ددەین،ژبەركو بارێ مەیێ دارایی نەیێ باشە،داكو قازانجەكێ بكەین بۆ خێزانا خۆ و هەروەسان ئەم ب وی بهایێ كێم چەندین تەنێن كەسكاتیێ و زەرزەواتی ب كت و كۆم دفرۆشین و چەندین خەلكێ ژ دەرڤەی كەمپێ ژی قەستا مە دكن و دزانن ئەم ب بهایەكێ ئەزان دفرۆشین،نها هەر رۆژ سەرەدانا مە دكن و رۆژ بۆ رۆژێ بكرێن مە زێدە دبن وبازارێن مە ب بازارێن هەژارا ناڤدارن.
نەسیما خەلەف،خودانا فرۆشگەهەكا جلكایە ل كەمپا ئێسیا گۆت:” ئەم جلكێن هەموو تەمەنا دئینینە فرۆشگەها خۆ ب بهایەكیێ ئەرزان ددەینە خەلكێ و رۆژانە خەلك قەستا فرۆشگەهێن مە دكن،ئەم ژی قازانجەكێ باش دكەین و بەهرا پتریا وان بكران ئەون یێن ژ دەرڤەی كەمپان قەستا مە دكن و بەهرا پتر جلكێن زارۆكان دكرن”.
عزەت دەرمان،ئێك ژ وان بكرایە رۆژانە ل ناوچەیا باعەدرێ سەرەدانا بازارێن ئاوارەیان دكت و دبێژت:”ژبەركو بارێ من یێ دارای نەیێ باشە،رۆژانە دچمە بازارێن ئاوارەیان ب مەرەما كرینا تشتان،ژبەركو تشتێن ئاوارەیان ب بهایەكێ كێم فرۆتن”.
تُتاح هذه الصورة أيضا في: کوردی