خهلات ل سهر باشترینێن چوارهمین فلمهفهستیڤالا دهۆك یا نێڤدهولهتی هاتن پارڤهكرن
waar – دهوك :
رێورهسمێن ب داوی هاتنا چوارهمین فلمه فهستیڤالا دهۆك یا فلمان و ههڤدهم پارڤهكرنا خهلاتان ژی ب رێڤهچوو و چهندین كۆرته فلمێن كوردی خهلاتێن باشترینێن فهستیڤالێ ب دهستخستن.
ئهڤرۆ خهلات ل سهر باشترینێنێن چوارهمین فلمه فهستیڤالا دهۆكی یا نێڤدهولهتی هاتن پارڤهكرن و تێدا باشترین فلم و باشترین دهرهێنهر باشترین سیناریۆ و باشترێن فلمێ درێژ یێ كوردی و كورته فلمێ كوردی، و باشترین كورته فلمێ بیانی، خهلاتێ دادوهران بۆ كورته فلمێ كوردێ و خهلاتێ سینهما بۆ ئاشتییێ، خهلاتێ پهیمانگهها فرهنسی بۆ باشترین بهلگه فلمێ نێڤدهولهتی هاتنه دان.
د روێورهسمێن پارڤهكرنا خهلاتان دا، فلمێ حاج حاجیك ژ دهرهێنانا مانۆ خهلیل خهلاتێ باشترین فلمێ پارێزگهها دهۆكێ بدهستخست و خهلاتێ سینهما ژ بۆ ئاشتییێ، ب فلمێ (بهههشتا من) یێ دهرهێنهر ئهكرهم حهیدو را هاته دان، كورته فلمێ ( زه ترانسلهیتهر) ب باشترین فلمێ دادوهران هات ههلبژارتن.
ههروهسا د بهردهوامیا پارڤهكرنا خهلاتان دا، فلمێ (دایک) خهلاتێ باشترین فلمێ بیانی ب دهستخست و فلمێ (زه بوس) ژ دهرهێنانا رزگار حسێن خهلاتێ باشترین كورته فلمێ كوردی ب دهستخست، خهلاتێ بینهران ب فلمێ مالا بێ بان یێ دهرهێنهر سۆلین یوسف هاته دان، كورته فلمێ سیبهر ب باشترین فلمێ دادوهران هات ههلبژارتن، خهلاتێ باشترین فلمێ دیكۆمنیتاری یێ كوردی ب فلمێ گۆلستان را هاته دان فلمێ رهئووف خهلاتێ باشترین فلمێ کوردی ب دهست خست و خهلاتێ یهلماز گونهی یێ باشترین فلمێ جیهانی یێ درێژ، فلمێMy Fathr Wings بر.
تُتاح هذه الصورة أيضا في: کوردی