خەمسارییا گەنجان دناڤ كۆمەلگەهێ دە بوویە دیاردە
دەنگێ لالش،جوان بەرواری
كێشێن جڤاكی و چەند ئەگەرێن دی بووینە سەدەم گەنجێ كورد بەرەف خەمساریێ ڤە بچت،ئەڤە چەندە بوویە دیاردەك دناڤا كۆمەلگەهێ دە،لەورا داخواز دئێتە كرن حكوومەت و دەزگەهێن جڤاكی وسڤیل گەنجی ژقۆناغا زارۆكینیێ فێری رەوشەنبیریا جڤاكی بكن وپلانێن بەرفرەه بۆ ڤێ مەرەمێ بدانن ،داكو گەنج ژدۆخێ خەمساریێ رزگاربن.
مامۆستا “شیلان”خودان خێزانە و دبێژت:”گەلەك كێشەیێن هەین كو گەنجی بەرەف خەمساریێ ڤە دبەن و كارتێكرنێ ل سەر ڤێ خەمساریێ دكت،ئەوژی كێشا دناڤبەرا هەڤژینان دا وەكی نەبوونا دابینكرنا پێتڤیاتیێن خێزانێ ولێكتێگەهشتن دناڤبەرا وان دا دڤی رێرەوی دا زارۆك دبتە قوربان دئێتە گوهۆرین،ژلایەكێ دیڤە كێشەیێن جڤاكی وەك نەدابینكرنا هەموو وان دەستكەفت و ئارمانجێن گەنجی كاریگەرترین خال كو نەدامەزراندن ژی بوویە بەشەك ژڤێ چەندێ،ل ڤێرە پتریا دەمێ ڤی گەنجی دڤالاتیێ دا ب تشتێن بێ مفاڤە دبۆرت،لەورا ئەڤە چەندە بوویە دیاردەك دناڤا كۆمەلگەهێ دە”.
بەرپرسێ رێكخراوا پەروەردە و خێزانی”رەئوف سابیر”دیاركر:”گەلەك لایەنێن هەین كو گەنج بەرەف خەمساریێ ڤە بچت وەك پێشكەفتنا تەكنولۆژیایا سەردەم هەردیسان مرۆڤ د لایەنێ جڤاكی دە پێتڤی ب پەیوەندی و گەنگەشەكرنێ یە،ژلایەكێ دیڤە ژینگەه ژی ئێك ژوان هۆكارێن كاریگەرە كو مەترسی ل سەر خێزانێ و زارۆكان و گەنجان هەی،ژبەركو دەمێ گەنج خەمساربت بەرامبەر خێزانا خۆ وی دەمی وی حەزەكا هەی پێتڤیە بێتە ب جهئینان ،ئەگەر نەهاتە بجهئینان دێ خێزانا وی ب كێم تەرخەمی ئێتە هژمارتن ول ڤێرە دێ هزركررنا ڤی گەنجی بەرەف خەمساریێ ڤە بچت و گۆت:”هندەك بنەما یێن هەین كو بارەكێ ب ڤی رەنگی بێتە پەیداكرن ئەوژی تاكەكەسی چ زانیاری ل سەر ڤێ خەمساریێ نینن ونزانت دێ چ هەلسوكەفت رەفتاربەرامبەر كەسان كت دئەنجامدانا كاران دا ،ئانكو خەمساریكرن یا دكێشا دەیك بابان دا ژی هەی،لەورا پێتڤیە خێزان گەلەك فشارێ نە ئێختە ل سەر گەنجی دەمێ ل كاركرنێ دا،یاگرنگە رۆلەكێ كاریگەر هەبت دبەرژەوەندا زارۆكی دا،دیسان پێتڤیە دەیك بابان پلانەكا دارێژتی هەبت بۆ زارۆكێن خۆ و ب سیستەمەكێ گونجای بێتە دانان ب كوالتیەكا باش،نموونە وەكی هەبوونا وەرزشەكا رۆژانە و خووندنەكا باش و جۆرێن یاریكرنێ هەردیسان نە پشتگوه هاڤێت ژ جۆرێن تەكنولۆژیایێ ودگەل ڤێ چەندێ فۆرماتكرنا ڤێ خەمساریێ مێشكێ تاكەكەسی دا و رۆژانە جڤات بێتە كۆمڤەكرن و هەر تاكەكەسەك پرسیارێ ل خۆ بكت بێژیت ئەز كێمە و خۆ بناست،داكو بكارت پێنگاڤەكا باش پاڤێت د پاشەرۆژێ دا”.
ڤەكۆلەرێ جڤاكی”دژوار”گۆت:”گەنج دقۆناغەكا هەستیار دا دژیت دڤی سەردەمی دا،ئەگەر ئەم لێ بنێرین كو گەنجی گەلەك ئارمانج یێن هەین و ئەو تشتێ وی بڤێت ب دەستڤە نائێت،لەوما دڤێت ئەم ژبیرنەكەین كوئەڤێ قوناغێ پێتڤی شیان و شارەزایێن تایبەتە دگەلەك بواران دا،دگەل هندێ ژی فەرە ل بیرامەبت كو گەنج دچتە شێوازەكێ نوو یێ تێكەلێن جڤاكی دا وەكی وەرگرتنا بەرپرسیارەتیەكا نوو و شێوازێ پێكڤەژیانێ سەرەدەریێن تایبەت ،لەورا ئەڤێ چەندێ هەموویێ پێتڤی خۆ گونجاندن ب شیان و شارەزاییان هەیە ژلایێ خێزانێ دسەرەدەریكرنا زارۆكی هەتا تەمەنێ گەنجاتیێ دا،هەروەسان بەرپرسیارەتیا گەنجان ژلایێ حكوومەتێ و دەزگەهێن جڤاكی وسڤیل ڤە ئەوە كو گەنجی ژقۆناغا زارۆكینیێ فێری رەوشەنبیریا جڤاكی بكن وپلانێن بەرفرەه بۆ ڤێ مەرەمێ بدانن ،داكو گەنجێن شارەزا خودان شیان بەرهەم بینت و دا ژدۆخێ خەمساریێ رزگاربن”.
تُتاح هذه الصورة أيضا في: کوردی