هۆنەرمەند عیماد خانكی:دخوازم فلكلۆرێ چیایێ شنگالێَ نێتە ژبیركرن و میدیا كوردی پتر گرنگیێ پێ بدەت
دەنگێ لالش ،سەلام سەبری
هۆنەرمەندێ گەنج “عیماد عەلی” بەرنیاسە ب عیماد خانكی بۆ رۆژناما دەنگێ لالش دیاركر:” دوو ستران نۆكە من ل بەر دەست هەینە،هەر گاڤا دەلیڤە چێ بوو دێ ل سەر كاركەم،دخوازم میدیایێن كوردی پتر گرنگیێ بدەنە فلكلۆرێ چیایێ شنگالێَ و ئەف فلكلۆر نێتە ژبیركرن،خواست سترانبێژێن مە پتر خەم و ئێش ئازارێن مللەتێ خۆ دیاربكن ب رێیا هۆنەرێ خۆ”.
هەروەسا هۆنەرمەند “عیماد خانكی”گۆت:”ژسالا2001 وەرە حەزا ستران گوتنێ دەڤ من پەیدابوویە و داخبار و ئاشقێ فلكلۆرێ چیایێ شنگالێ مە و گوهداربووم و تایبەت داخبارێ هۆنەرمەندێ مەزن یێ چیایێ شنگالێ (پیرمچو) و (قپال) و چەند سترانبێژەكێن دی مە،هەروەسا دوو ستران نۆكە من ل بەر دەست هەینە ئەوژی لسەر ئیش و ئازارێن ملەتێ مەنە و ڤێ كارەساتێ ،هەر گاڤا دەلیڤە چێ بوو دێ ل سەر كاركەم،دخوازم میدیایێن كوردی پتر گرنگیێ بدەنە فلكلۆرێ چیایێ شنگالێَ و ئەف فلكلۆر نێتە ژبیركرن،خواست سترانبێژێن مە پتر خەم و ئێش ئازارێن مللەتێ خۆ دیاربكن ب رێیا هۆنەرێ خۆ،دیسان ژبلی گۆتنا سترانا ئامیرێ سازێ ژی دژەنم ومن بەشداری دچەند فلمەكا دە كریە ل كوردستانێ وەك ئەكتەری،بەلێ پشتی ڤێ كارەساتا ب سەر ملەلتێ مە یێ كوردا هاتی تایبەتی كوردێن ئێزدی،ئەز كەتمە ناڤ نڤیسینا سترانا دا ومن هەولدا ئێش ئازارێن مللەتێ خۆ دیاربكم و ل سالا 2015ێ من قەستا دەرڤەی وەلاتی كر”.
خانكی ئەو ژی رۆنكر:”هەر كارەكێ من كری ل كوردستانێ ب پشتەڤانی و هاریكارییا دەرهێنەرێ گەنج (سەلام خانكی) بوویە و ئێكەم كلیپا من چێكری ل سالا 2014ێ بوو و 3 ستران بۆ من كلیپە كرنە ل كوردستانێ،دوو ژوانە یێن فلكلۆرێ چیایێ شنگالێ بوون مە نووكرن،ئێك ژ وانە ل سەر خۆراگریا پێشمەرگەی و شەرڤانێن چیایێ شنگال بوو كو ژ پەیڤ و ئاوازێن من بخۆ بوو”.
ناڤهاتی ل سالا 1986ێ ل گوندێ مام شڤانا كەڤن ل كۆمەلگەها خانكێ هاتیە سەر دونیایێ و نۆكە ل وەلاتێ ئەلمانیا ئاكنجی یە و ل سەر كارێ خۆ بەردەوامە.
تُتاح هذه الصورة أيضا في: کوردی