هژمارا بکارهێنەرێن فەیسبوکێ گەهشتە ٢ ملیار کەسان
ئێن ئارتى
مارک زوکەربێرگ دامەزرێنەرێ تۆرا جڤاکی یا فەیسبوکێ راگەهاند، فەیسبوک ئێکەم تۆرا جڤاکی یە کو هژمارا باکارهێنەرێن وێ بگەهیتە ٢ ملیار کەسان.
تۆرا جڤاکی یا فەیسبوکێ هژمارا بکارهێنەران گەهشتیە ٢ ملیار بکارهێنەران و ب ڤێ ئێکێ ژی هژمارەکا نوی یا پێڤانەیی تۆمارکر.
مارک زوکەربێرگ دامەزرێنەر و سەرۆکێ دەستەیا رێڤەبرنا فەیسبوکێ د هژمارا خوە یا تایبەت دا لسەر تۆرا جڤاکی یا فەیسبوکێ نڤێسایە “ژ ئیرۆ ڤە هژمارا بکارهێنەرێن فەیسبوکێ گەهشتی یە ٢ ملیار کەسان کو د پەیوەندیێن جیهانی دا پێشکەفتنێ ب خوە ڤە دبینن، و بلا نها ل هەموو جیهانێ لهەڤدوو نێزیک ببین، دڤێ گەشتێ ژی ئەس شەرەفمەندم کو دگەل وە دامە”.
هەڤدەم لگۆری راگەهاندنا کۆمپانیا فەیسبوکێ، رۆژانە زێدەتری ٨٠٠ ملیۆن کەسان ل فەیسبوکێ “لایکان” دکەن و ١٧٨ ملیۆن کەس ژی ” Loved” دکەن.
تۆرا جڤاکی یا فەیسبوکێ نێزیکی ١٣ سالانە هاتیە دامەزراندن و پێنج سالان بەری نها ژی هژمارا بکارهێنەرێن وێ گەهشتبوو ملیارەکێ، زێدەبوونا بکارهێنەرێن فەیسبوکێ بۆ دوو هندە زێدەبوویە، و د جیهانێ دا ب پێشکەفتنەکا زۆرا گرنگ یا جڤاکی تێ دانین.
پ.چ
تُتاح هذه الصورة أيضا في: کوردی