كچێن ڤی سەردەمی زوو شوودكن ودبنە كابانیێن مالێ
جوان بەرواری 
هاتیە سەلماندن كو هەموو مرۆڤ وەكو چ ئامیرا نینن ئەم ب كلیلكەكێ ژی بكارناكەڤین ، ومە سروشتەكێ تایبەت هەیە هەر مرۆڤەك ژی ژ كۆمەكا هەست و سۆزان پێك دئێت ، لەوما كچ ژی خودی هەست و سۆزن دبت رێژا هەست وسۆزان ل جەم كچان زێدەتر بن،چنكو ئەو دچەند قۆناغێت سەخت و دژواردا دبۆرن كو هەموو قۆناغێن گەشەكرن و ئاڤاكرنێ تێدا ژدایك بن ، لێ سەلماندنا كچێ دقاموسا ژیانێ دا ژیوارەكێ نوژەنكریە ویێ پاراستیە دهندەك پیڤەرێن جوداجودا وهەتا ئاینێ ئیسلامێ ژی دا ئاماژە ب وێ چەندێ هاتیە كرن كو كچ وەكی لاپەرەكێ سپیە ویا دناڤ پەرتوكەكێ دا ڤەشارتیە لێ گرێدانا وێ ب زەواجێ توخیبەكێ بێ سنورە.
دپێشبینێكرنێ دا یە كوكچ ئێك ژتەمامكرنا پارچەكا ژیان وبەختەوەریكرنا كوری یە،لێ ل گۆری زانیاریان ئەم دبێهێزین كو كچێن ڤی سەردەمی زوو شوودكەن و دچنە دناڤا ژیانەكا دیتردا ودبنە كابانێن مالێ ، لێ ل ڤێرە بابەتێ من دڤێت ئاماژێ ب دەمێ ئەوە كو كچ ب ژیەكێ زورێ بچووك دچتە قۆناغا شووكرنێ دا و دكەڤتە دناڤا كۆما ئاریشان دا و ل وی دەمی ئەو ژیێ هندێ بچووك وێ ناگەهینیتە تێگەهشتنەكا تەمام و پۆشمانی دیڤ دا دئێت ئەگەرێ وێ چەندی ژی ئەوە كێم تەرخەمیكرن د عەقلی دا،لێ ژلایەكێ دیڤە خەمساریكرن دچارچوڤێ خێزانێ دا ئەڤە هەردوو گرێداینە دبنەمایەكێ سەرەكی ڤە ئەوژی پرۆسا خوێندەواریێ ، كچ دەمێ دەست ب قۆناغا خواندنێ دكت خووندنا خۆ تەمام ناكت دێ شوو كت دەمێ شووكر دێ دە ست ژخووندنا خۆ بەردەت دێ چتە دمالەكێ دا وی دەمی داب و نەرێتێن جڤاكی دێ زال بن ل سەرڤێ چەندێ.
هەروەسا ل دەڤەرێ خەلكەك هەیە دێ بنە رێگر درێكا كچێ دا ناهێلن كچ بەردەوامیێ بدەتە خووندنا خو وی دەمی ئەو ژی دێ نەچاربت دەستا ژ خووندنێ بەردەت و دە ست ب كارێ كابانیكرنێ كت ، ئەڤە ژی دێ بتە ئەگەرێ زێدەبوونا رێژەكا زۆر یا نەخوێندەواریێ دناڤا ئافرەتاندا و جڤاك ژی دێ كەفتە دناڤ بارودۆخەكی نالەباردا دێ بتە بەشەكێ دابراو ژ تەڤ سازێن پەروەردێ ودێ ژ پیڤەرێ سەركەفتنێ بەرەڤ شكاندنێ چت ، لەوما ژی پێتڤیە هەموو كچ بیر ل هزرو بیرێن خۆ بكن و پاشەرۆژا خۆ ل بەرچاڤێت خۆ ب سەلمینن باوەرناما خۆ ب دەستخۆڤە بینن ،پاشی دە ست ب هەڤینیێ بكن،داكو دووربن ژ هەموو نەخۆشی و ئێش و ئازاران و ب رەفتارەكا عاقلانە تەماشەی ژیانێ بكن.
تُتاح هذه الصورة أيضا في: کوردی