ئاهەنگا دەرچوونێ بۆ دەرچوویێن دوو خۆلان ل شاریا هاتە گێران
تۆرا لالش یا راگەهاندنێ/چنار شمو قاسم 
ل رێككەفتی 17/10/2016ێ،رێكخراوا (WRO )ب هەڤكاری دگەل نڤیسینگەهێن لالش دهۆك و لالش بۆرك و رێكخراوا( Sunrise )ئاهەنگەك،ژبۆ پێشكێشكرنا باوەرناما ل سەر 30 دەرچوویێن خۆلێن كۆمپیۆتەری و ئنگلیزیێ،ل هۆلا لالش شاریا گێرا.
ب ئامادەبوونا”عبدالعزیز مەحسن بارزانی” سەرۆكێ ئنستیوتا دهۆك یا رەوشەنبیریا گشتی و “هكار مەحەمەد ئەمین”بەرپرسێ كەمپا شاریا و ژمارهك ژ كەسایەتیێن رێكخراوان و خەلكێ كەمپێ،ئاهەنگ هاتە گێران.
ل دەستپێكێ بەرپرسێ كەمپا شاریا پەیڤەك پێشكێشكر و تێدا بەحسێ گرنكیا ڤەكرنا ڤان جۆرە خۆلان كر و گۆت:”رێكخراو و بنگەهان رۆلەكێ بەرچاڤ هەبوویە ژبۆ خزمەتكرن و ڤەكرنا خۆلێن جودا جودا بۆ گەنجێن ئاكنجیێن كەمپان.”
ل دووڤ دا باوەرنامە ل سەر دەرچوویێن خلان دا هاتن بەلاڤكرن.
هەروەسا ژ بەر كەد و خەباتا “سەعەد حەمەد”رێڤەبەرێ قوتابخانا ئامادەیا نەورۆز و قوتابی “جەمیل عبدللە ئسماعیل”كو نمرا 98 ب دەست خۆڤە ئینایە،ژبال رێكخراوا (Sunrise)ڤە هاتنە خەلاتكرن.
پاشرە باوەرنامێن رێزلێنانێ پێشكێشی هەردوو مامۆستایێن خۆلێ”چنار شمو” و “عەقید خودێدا” هاتن كرن ژ ئالیێ رێكخراوا( WRO ڤە.
تُتاح هذه الصورة أيضا في: کوردی