بنگەهێ لالش:پیرۆزباهی ب هەلكەفتا رزگاركرنا باشیك و بەحزانێ
ب هەلكەفتا رزگاركرنا باژێرێن باشیك و بەحزانێ و دەڤەرێن دیتر یێن دەوروبەرێن وان،ل دەستپێكێ پیرۆزباهیێ ل خۆ دكەین و پیرۆزباهیێ ل هەردوو باژێرێن عەزیز دكەین ل سەر دلێ مە هەموویان.
ئەم پەسنا هەدار و هێزا خەلكێ خۆ ل باشیك و بەحزانێ دكەین،ئەوێن هێزا گرتنا خۆ ب ئەردێ باب و پاپیران سەلماندین،و هەموو كاودانێن ب زەحمەت بۆراندین ل ژیانا ئاوارەبوونێ ژبۆ خۆگرتنا ڤێ رۆژێ ل دیرۆكا وان دا و ل دیرۆكا گەلێ كوردستانێ.
دیسان دڤێت ئاماژێ ب قوربانیدانا پێشمەرگەیێ قارەمان بدەین كو ب وان بوو دەرئەنجام بوو رزگاركرنا باشیك و بەحزانێ و دەڤەرێن دیتر یێن دەوروبەرێن وان،داخوازێ ژ خەلكێ خۆ دكەین ل باشیك و بەحزانێ پێگریێ ب رێنمایێن فەرماندەیێن پێشمەرگەی بكن یا گرێدایی ب ساخیا گشتی یا خەلكێ كو لەزێ نەكن ل ئاگەهداربوونێ ل مالێن خۆ بەری بێتە پاقژكرن ژ مینان.
جهێ ئاماژێ یە كو رێژا زیانان ل باشیك و بەحزانێ نەوەكی ئەوا چێبوویی یە ل شنگالا بریندار،ئەڤ كارە بۆ مە هەموویان هاندەرە،بەلێ دگەل ڤێ چەندێ هەڤگرتنا خۆ یا تەمام لگەل خەلكێ خۆ دووپات دكەین یێن مالێن وان زەرەر پێكەفتی،ئەم داخوازێ ژ حكوومەتا ناڤەندی دكەین بۆ پێكئینانا لژنان بۆ دەستنیشانكرنا قەبارەیێ زیانێن مادی،ژبۆ قەرەبووكرنا خەلكێ مە یێ زەرەرپێكەفتی.
هەروەسا باوەرییا مە ب كورێن باشیك و بەحزانێ یا بلندە كو ئەو دێ مینن ئۆمێدەواری،دووپات دكەین ئەو دێ كارن بۆ دووبارە ڤەگەراندنا ژیانێ بۆ دەڤەران وان ل وەختەكێ نێزیك.
سلاڤ بۆ گیانێ جانگۆریێن پێشمەرگە ئەوێن گیانێ خۆ كرینە قوربانی ژبۆ رزگاركرنا باشیك و بەحزانێ،داخوازا زووباشبوونێ بۆ برینداران ژ وان دخوازین.
سلاڤ بۆ خەلكێ باشیك و بەحزانێ،هیڤیدارین ڤەگەرنە مالێن خۆ ب زوترین وەخت،پشتی هاتیە پاقژكرن ژ كارێن تاوانێن داعش یا تیرۆری.
بژیت كوردستان و بژیت سەرۆك مەسعوود بارزانی
دەستەیا بلندا بنگەهێ لالش یێ رەوشەنبیری و كۆمەلایەتی ل دهۆكێ
9/11/2016
تُتاح هذه الصورة أيضا في: کوردی