سهرۆكێ بنگههێ لالش دگەل جێگرێ سەرۆكێ هەرێما “ئێل دوو فرانس” یا فەرەنسا جڤین پێک ئانی
تۆرا لالش يا راگههاندنێ/هەولێر
ل رێككەفتی ۳/۱۲/٢٠١٦ ل هەولێرێ،بەرێز “شێخ شامۆ” نوونەرێ ئێزدیا ل پەرلەمانێ کوردستانێ و سەرۆکێ دەستەیا بلند یا بنگەهێ لالش دگەل بەرێز “پاتریك كرم” جێگرێ سەرۆكێ هەرێما “ئێل دوو فرانسی” یا فەرەنسا و شاندەكێ دیپلۆماسی یێ دگەل دا جڤین پێک ئانی.
دجڤینێ دا رەوشا كوردێن ئێزدی پشتی روودانا کارەساتا شنگال و وێ زۆرداریا مەزنا ل ئێزدیا هاتی کرن و چاوانیا ئێکلا کرنا چارەنڤیسێ دەڤەرێن ئێزدیا،پشتی رزگارکرنا وان ژئالیێ هێزێن پێشمەرگە و رزگارکرنا مووسل و كاودانێن كوردستان تێرا دەرباس دبە و رەوشا پەریشانا ئاوارا و گرتی و ئێخسیرێن دەستێ تیرۆرستێن داعش و چاوانیا ئاڤەدانکرنا دەڤەرێن ئێزدیا و كەیسا جینۆساید ناسکرنا کارەساتا ئێزدیا ل شنگالێ ژ مژارێن گرنگ یێن ڤێ هەڤدیتنێ بوون.
ژئالیێ خوەڤە،شێخی دیتن و بۆچوون و داخوازیێن خەلکێ خوه ئاراستەیی شاندێ مێڤان کرن، هەروەسا رێبەرێ بنگەهێ لالش و دوو راپۆرت و ئامارێن تایبەت ب كارەساتا شنگال هاتنە پێشکێشکرن.
شاندێ مێڤان ژ ئالیێ خوەڤە،سۆزدا پشتەڤانێ ماف و داخوازیێن ئێزدیا و هەموو پێکهاتێن زولم لێکەتی بە ل عێراقێ و کار ژبۆ گرەنتيکرنا پاراستنا وان بکەن.
ل داویێ “شێخ شامۆ” سەرۆکێ شاندێ مێڤان ب ئارمێ لالش خەلاتکر،ژبۆ وێ یەکێ زێدەتر پشتەڤانێ کوردێن ئێزدی بن دچارچۆڤێ کوردستانێ دا.
تُتاح هذه الصورة أيضا في: کوردی