رێڤهبهریا كهشناسیێ روونكرنهكێ ل سهر بارینا بهفرێ بهلاڤ دكهت
ئهڤرۆ نیوز:
رێڤهبهریا گشتیی یا كهشناسی و بیڤهلهرزێ ل ههرێما كوردستانێ راگههاند كو چهند دهزگههێن راگههاندنێ ب ناڤێ بهرپرسێ پشكا پێشبینیان نووچهك بهلاڤكریه كو دێ بهفر باریت و ئهو ژی وی نووچهی رهت دكهن.
د راگههاندنا پشكا پێشبینیان ل رێڤهبهریا گشتیا كهشناسی و بیڤهلهرزێ دا هاتیه: “پشتی بهلاڤبوونا نووچهكی ب ناڤێ بهرپرسێ پشكا مه بژار ئهكرهم دهربارهی كارتێكرنا شهپۆلا بهفر بارینێ ل دهزگههێن راگههاندنێ، بۆ ههوه ئاشكهرا دكهین كو چو داخۆیانیێن فهرمی ژ وی رهنگی نههاتینه دان، بهلكو زێدهتر بابهت هاتیه دهستكاریكرن و هاتیه گۆهۆڕین”.
زێدهتر هاتیه: “ئهڤا مه دڤێت ئاماژه پێ بكهین ئهو كو ب گۆرهی پێشبینیان ل رۆژا سێشهمبی 6ی كانوونا ئێكێ 2016 دێ كارتێكرنا بارسته ههوایهكێ سار و هشك كو ژێدهرێ وی ناڤهراستا سیبیریایه دێ روو كهته سهر ههرێما كوردستانێ و نابیته ئهگهرێ بهفر بارینێ ب تنێ دێ پلێن گهرمێ نزم بن و ب تایبهت ژی ل دهمێن شهڤێ، كارتێكرنا ڤێ چهندێ ژی زێدهتر دێ ل دهڤهرێن چیایی و سنوری هێته دیتن”.
تُتاح هذه الصورة أيضا في: کوردی