نوونەراتیا بنگەهێ لالش ل هەولێرێ گازندێن ئاوارێن ئێزدی دگەهینتە جهێن شۆلەژێ
تۆرا لالش یا راگەهادنێ
پتر ژ 250ی خێزانێن ئاوارەیێن شنگال وباشیك وبەحزانێ ل پارێزگەها هەولێرێ و دەردۆران ئاكنجی نە،نوونەراتیا دەستەیا بلندا بنگەهێ لالش ل هەولێرێ گلی وگازندێن وان دگەهینتە جهێن شۆلەژێ.
عەزیز شەركانی،نوونەرێ دەستەیا بلندا بنگەهێ لالش ل هەولێرێ بۆ رۆژناما دەنگێ لالش خویاكر:” ل پشتی كارەساتا شنگالێ نوونەراتیێ گرنگی پتر دا سەر ئاوارەیان ب هەر ئاوایەكی بت هاریكاریا وان بێتە كرن،پەیوەندیێن مە ل پێش روودانا كارەساتا شنگالێ دگەل وان دام ودەزگەهان كرین ب تایبەت رێكخراوان،ل پشتی كارەساتێ مە مفا ژێ وەرگرت و هەماهەنگیەكا بەردەوام دگەل وان جهان دكر ومە هاریكاری گەهاندنە خەلكێ ئاوارە،تەنانەت ئەم هەڤكاربوون دگەل رێكخراوا(پی جی ئێن)كو بارێ بالەفرەك هاریكاری مە گەهاندن چیایێ شنگالێ و گەلەك جارێن دی ئەڤ جۆرە هاریكاری مە پێشكێشی وان ویێن ل ناڤا كەمپان دا كرینە،زێدەباری گرنگی دان ب تەخا ژن وزارۆكان و پێتڤیێن وان بەردەست كرن و گۆت:”ماوێ یازدە هەیڤان نیڤا بوودجەیا خۆ مە بۆ ئاوارەیان تەرخانكر و مەدوو جاران ل دەستپێكا كارەساتێ كەمپین ل هەولێرێ ڤەكرن بۆ كۆمكرنا هاریكارییان،زێدەباری هاریكاریێن دی پێشكێی ئاوارەیێن هەولێر ودهۆكێ كرن”.
ئاشكەراكر ژی پتر ژ 250ی خێزانێن ئاوارەیێن شنگال وباشیك وبەحزانێ ل پارێزگەها هەولێرێ و دەردۆران ئاكنجی نە و نوونەراتیا بنگەهی گلی وگازندێن وان و یێن قوتابیان دگەهینتە جهێن شۆلەژێ.
شەركانی دیاركرژی ئەڤە سەرێ چەندین سالانە نوونەراتی كارێ خۆ دكت و د چەند بواران دا خزمەتا جڤاكێ ئێزدی كریە، ب تایبەت تاخا قوتابیان كێشە وئاریشەیێن وان ل گۆر شیانێن خۆ پێ رادبت وچارەسەر دكت،هەروەسا گرنگیەك زاف دبوارێ خورتكرنا پەیوەندییان دناڤبەرا بنگەهی و دام ودەزگەه وكەساتیێن هەولێرێ دایە،ل پێناڤێ خزمەتكرنا خەلكێ خۆ.
تُتاح هذه الصورة أيضا في: کوردی