بنگەهێ لالش داخوازێ ژ ئێزدیان دكت ب شێوەیەكی بەرفرەهـ پشكداریێ دهەلبژارتنێن پەرلەمانێ عێراقێ دا بكن
تۆرا لالش یا راگەهاندنێ/دهۆك
ل رێككەفتی 7ی نیسانا2018ێ كۆمبوونا هەیڤانە یا دەستەیا بلندا بنگەهێ لالش و گشت تایی و نڤیسینگەهێن لالش هاتە ئەنجام دان.
دكۆمبوونێ دا بەرێز”شێخ شامۆ”سەرۆكێ دەستەیا بلندا بنگەهێ لالش داخواز ژ گشت تایی و نڤیسینگەهێن لالش و ئێزدیان كر ب شێوەیەكی بەرفرەهـ پشكداریێ دهەلبژارتنێن بێت یێن پەرلەمانێ عێراقێ دا بكن،دووپاتكر كو لسەر مە پێكۆلێن مەزن بێخنەكار ژبۆ پشتەڤانی و هاندانا جەماوەرێ خۆ بچنە سندۆقێن دەنگدانێ و ب شێوەیەكی بەرفرەه پشكداریێ بكن.
هەروەسا شێخی ئاماژە ب وێ چەندێ دا كو رەوشا نهۆ یا شنگالێ ئارام نینە،بەلێ ئەم گەشبینین كو چارەنڤیسێ گشت دەڤەرێن ئێزدیان گرێدایە ب چارەنڤیسێ كوردستانێ.
دلایەكی دی یێ كۆمبوونێ دا رۆناهی ئێخستە سەر پرسەناما سەرساخیێ ئەوا بنگەهی بلندكری ب هەلكەفتا وەغەركرنا خودێ ژێ رازی دلۆڤان بارزانی برایێ بەرێز نێچیرڤان بارزانی سەرۆكێ حكوومەتا كوردستانێ هیڤیا سەبر و هەدارێ بۆ خێزانا بارزانی دخوازن.
پاش بەرێز”شێخ شامۆ”دیاركر:”لسەر گشت تایێن لالش پلانا خۆ بەرهەڤ بكن و خۆ ئامادە بكن ژبۆ ساخكرنا رێورەسمێن جەژنا سەرێ سالا ئێزدیان”.
هەر دكۆمبوونێ دا چەندین بابەتێن گرنگ و كارووبارێن ناڤخۆیی یێن بنگەهێ لالش هاتنە گەنگەشەكرن.
ل داویا كۆمبوونێ گەنگەشە لسەر گرنگترین چالاكیێن بنگەهێ لالش و تایان ژبال ئەندامێن دەستەیا بلند و سەرۆكێن تایان هاتە كرن.
تُتاح هذه الصورة أيضا في: کوردی