ل (6)نیسانێ ژۆرا ئۆپەراسیۆنا ئازادكرنا قەزا شێخان
مههدی حەسەن موراد 
ب هەلكەفتا( 6/4/2003)ێ رۆژا ئازادكرنا باژێرێ شێخان وگوند كۆمەڵگەهێن سەرب قەزایێ ڤە, لژێردەستێ ڕژێما گۆڕبەگور گەرمترین پیروزباهییا ئاراستەیی تەڤایا خەلكێ خۆڕاگرێ قەزا شێخان وشەهید ئەحمد بامەرنی وهەمی شەهیدێن ئازادیا عیراقێ كوردستانێ وپێشمەرگەهێن قارەمان وپارتی دیموكراتی كوردستانی دكەم ,ل ڤێ رۆژا پیرۆز پشتی (12)سالێن سەرهلدانا بەهارا 1991ێ ئەڤ ناوچێن مە ل بن دەستێ كەڤنە بەعسیا و رەشەكێن ئەمن وئیستخبارتا لەشكەری مایێن وخەلكێ مە تەپەسەر كری وئێش و ئازارەكا زۆر ژ دەستێ عەرب و بەعسیا دیتی بلی ئەو ئابلوقا ئابوری وكەرب وكینا خوپەرستێن عەرب و بەعسیا ب سەرێ مللەتێ مە ئینایی , هەر وەسا دیوارەكی عەربی ل دۆرماندۆری دەڤەرێن مە دانابوون كو هەمی ئەڤ گوندێن مە یێن سنوری دگەل كوردستانێ تەعریب كربون وعەرد وملكێ مە دەستەسەر كربون وئاغاتیا خۆ ژی ل مەدكرن , دیسا گەنج ولاوێن مە دكرنە رەفیق بەعسی و نەوات ئەلبەعس وجیش ئەلقودس و فیدائی سدام, وئێك دكرە دژمنێ ئێكی ودوبەڕەكی و دوژمناتی و ژێك ڤە قەتاندنا مە دگەل ئێكو دوو ,دگەل هندێ ترس و لەڕزەكا مەزن ئێخستبویا دلێ مەدا وهیڤی و ئومێدێن مە مڕاندبوون , بەلێ چاڤێن مە ژی دڤەكری بون مە گوه ل كوردستانێ بو رۆژانە مە دەنگ و باسێن میدیایێن كوردی ئاگەه لێ هەبوو بەعسیا ژ لایەنگرێن خۆ بەرۆڤاژی تێدگەهاندن وهندەك ژ كەس و كارێن مە سەردا بربون بەس بتریا خەلكێ مە باوەری ب پرۆسا سیاسی هەبو , كو ناوچێن مە نێزیك ترین وەخت دێ ڕزگار بن ودێ ڤەگەرێنا سەر هەرێما كوردستانێ و ڕژێما سدام حسێن دێ هێتە روخاندن, مەژی ژمارەكا گەنج و خۆڕتێن ئێزدی دگەل هندەك هەڤالێن كوردێن بسلمان شانەكا رێكخستنا نەهێنی ل شێخان و كۆمەڵگەها مەهەتێ دروست كربو , وڤەژینەكا مەزن ل دەڤەرێ هەبو بۆ پێگەهاندنا زانینێن دروست و ڕەتكرنا دەڕوێن بەعسیا وگەهاندنا پێزانینێن دروست ,ئەو بو ل ڤێ دوماهیكێ موعادلە بەرۆڤاژی زڤڕی رەفیق و بەعسی و لایەنگرێن حكومەتێ ژهەڤالێن رێكخستنا مە دترسیان ژبەر كو زانین دوماهیك ب دەسهەلاتا وان هات , ورۆژێن كێم ژ ژیێ وان مایە , سۆپاس بۆ خودێ تەعالا د رۆژەكا وەكی ئەڤڕۆ دا جارەكا دی شێخان هاتە ڕزگار كرن ل سەر دەستێ پێشمەرگەهی, وئەڤ كەسێن خۆفرۆش شەرمەزار بون وكەفتنا بەر ڕەحما پارتی و بارزانی و هاتنە لێبۆرین وب گیانەكی برایەتی و ئازاد وسەربەست ژیان ل ژێر ئاڵایێ كوردستانێ. هەر وەسا من ڤیا بو خویندەڤانێن بەرێز دیار كەم ڕۆلێ هەڤالێن مە یێت رێكخستنا نەهینی ل شێخان و كومەلگەها مەهەتێ كا چاوا ژۆرا ئۆبەراسیۆنا ئازادكرنا قەزا شێخان هاتە دانان وئەرك وماندوبونا وان دیار كەم ب ڤێ هەلكەفتێ , پشتی دراێشتنا بەرنامێ لق1 یێ پارتی دیموكراتی كوردستان ژبو ئازادكرنا ناوچێن ڤەقەتیایی ژ هەرێمێ وهنارتنا هەڤالێن خو بو بەرپرسیاتیا هەر محوەڕەكی ل سنورێ دەسهەلاتا خو , ئەو بو بەرێز (عومەر ئورەیی )هاتە ڕاسپاردەكرن بۆ بەرپرسیاتیا محوەڕەێ قەزا شێخان دگەل ناوچا شێخان,هەر ل دەست پێكێ داخاز كر ژۆەركا ئوپەراسێونێ ل ناڤ سەنتەرێ قەزایێ دروست بكەن هەتا بهێتە ڕزگار كرن,ژبەر كو رژێمێ بریارا قەدەغەكرنا هاتن و چونێ دابوو وپەیوەندیكرن نەما بو ,دگەل هەڤالێن مە یێت رێكخستی ,و خەلكێ مە ب هیچ ڕەنگەكی هاتن وچون نەما بو, بەرپرسێ محوەری ب فەر زانی ژۆرەكێ دروست كەت ئەز وەك هەڤال (مهدی حسن مراد ) بەرپرسێ ڕێكخستنا نەهێنی وكادرێ ناوچێ ل دەڤەرێ هاتم ڕاسپاردن بەرهەڤیەكێ بكەم وئەو رێنما و ئامۆژگاریا یێن محوەری جێبەجی بكەم وەكو پێتڤی ل دەڤەرێ ژ بو ئازاد كرنا قەزا شێخان ب شێوەكی باش , نێزیكی (120) رێكخستن دگەل مەدا بون هەڤالێن چالاك و ژیر بون جهێ باوەریێ بون كارەكی هەژی ئەنجام دابون ل سالێن بۆری,پشتی ئەز هاتمە تەكلیف كرن و جهازێن پەیوەندی كرنێ داینە مە ,پێنگاڤا ئێكێ مە كومبونەكا بەرفرەه ل مالا بەرێز(یوسف رەمەزان) بەرپرسێ ناوچا شێخان بو ل وی دەمی هاتە ئەنجامدان ل رێكەفتی (15/3/2003) هەمی رێكخستنێن مە ئامادەبون چەند ئامۆژگاری و پێزانین بناڤێ محوەری و ناوچێ گەهاندنێ ,دیسا ل رۆژا دی كۆمبونەكا دی دگەل چەند ڕیهسپی و ماقولێن دەڤەرا شێخان و كۆمەلگەها مەهەتێ ئەنجامدا وداخاز ژ بەرێز (حجی علی) كر ژۆرەكێ ژمالا خۆ بكەتە ژورا ئوپەراسیونێ بو رێكخستنێن مە و هاریكار بیت دگەل هەڤالێن مە, وئەو ڕێنما و پێزانینێن ناوچێ ب گەهیتە جهێن شول ژێ هەر گاڤەكا پێتڤی بیت, ئەو بۆ بەرنامێ ئەم پێ هاتینە تەكلیف كرن هەتا پێشمەرگەه ب گەهتا شێخان هەمی مە ل دەمێ 18 رۆژا جیبەجی كر ئەو ژی پەیوەندیێ ب هەمی كەسایەتێن دەڤەرێ بكەین دگەل پیشمەرگەهێن ئەیلولێ و گولانێ وهەر لایەنگیرەكی پارتی هەبیت ب ناڤێ ناوچا شێخان وهەر پێزانینەكا هەبیت ب جهازی سەرێ هەر سەعەتەكێ دگەل ناوچێ ب ئاخڤین ل سەر ئەمنێ و حزبی و لەشكەری چ گهورین وپێنگاڤێن لەشكەری هەبن ,ب گەهینین دگەل گەهاندنا هەر پێزانیەكا ژ محوەری ب گەهت بەلاف كەین هەگەر یە پیتڤی بیت. ئەو بو بریار هاتە دان دەست ب كار بم ئەز دگەل چار هەڤالێن خو یێت رێكخستنێ رۆژا 18/3/2003 ێ بەرف باژێرێ شێخان كەتین ب شێوەكی نەهینی چۆینە ماڵا خودێ ژێ ڕازی حجی علی موختارێ قەزا شێخان یێ نهو , هەر دەمێ ئەم گەهتینا مالا وی ئێك سەر ئەم برینە خانیەكی خەولە كری وگۆت هاتن و چونێ كێم بكەن وهەر تشتەكی هەبیت ئەز دێ گەهینمە وە,و كوڕی وی (نەزار حجی) ئێك ژ ئەندامێن مە بو گەلەك مە مفا ژێ دیت ئەو بو ئەم دەست ب كار بین ومە رۆژانە سەرێ هەر سەعەتەكێ پەیوەندی دكرن و گەلەك تشتێ باش مە گەهاندا محوەری ومفایەكی گەلەك ژ مە دهاتە دیتن بەلێ گیانێ مە كەفتبویە د مەترسێ دا ژبەر كو سەعەت سفر درێژ بوو وئەم بو (3) رۆژا هاتبوین دەمێ مە بو نێزیكی (18) رۆژا درێژ بو,ئەمن ژ جهازی مە ئاگەهدار بو ژبەر كو زانی تەرەددەك یا هەیی ل ناڤ باژێرێ شێخان ,بەس رۆژێن دوماهیكێ بون بلی ڤێ ژۆرێ وگەهاندنا پێزانینا ل هەر محوەرێ شێخان جهازەك رادەستی هەڤالێن مە كربون دگەل قەمر سناعی گرێدایی بوو هەر جهەكی مە ئیشارەت لێ دابا مە تۆمار دكر و ب جهازی هەمی ئەو دەم و ناڤێ جهی یێن مە تۆمار دكرین نەخاسمە جهێن عەسكەری بون بو لێدانا فرۆكێن هەڤپەیمانا ب ڕاستی ئەو جهی ژی ,هەمی هاتن بۆمبارانكرن كو دزانین ئەڤ جه كیژ جینە درێكا مەدا ,ل شەڤا 5/4/2003ێ هێزێن هەڤپەیمان دەم ژمێر 6 هیڤاری خۆ نێزیكی باژارێ شێخان كر و چەند تەلقە هاڤیتنە بارەگایێ حزبی و خۆ ڤەكێشان و ترس و لەرزەك كەتا ناڤ دەسهەلاتێ وهەر كەسەكی لایەنگرێن بەعسیا تەقە دكرن ل كۆلانا و سەربانا ول هەر جهەكی تە دیتبا دەنگێ تەلقا دهات بو ماوێ ئێك سەعەت ژ نشكەكێڤە فڕۆَكەك هاتە دەم ژمێر 8 شەڤێ وسارۆخەك ل ڕەخەكا باژێری دا دەنگەكی ب هێز, كو چو كەس تەسەور نەكەت بۆ هندێ بۆ بەس دا خەلك ب ترسێت بەلێ بێشك كەس نەما ترسێ نەگرتی ئەم ب خو ئەو جهێ ئەم لێ جامێن مە شكەستن و جهێ مە هەمی هژیا وزاڕۆك و ژن و پچوكێن مالا ئەم لێ گوتن یا ستار ئەڤ چ قەومی هەر ل ڤی دەنگی دەنگ نەما ل شێخان هەمیێ دا تو بیژی كەس ل ڤی باژاری نینە ,هندەك تەلەفونێن عەردی هەبون پسیار دهاتنەكرن چ بیە ئەڤە دەنگێ چییە ل كیژ جهی دا بەس كەس نزانتە دیسا دەنگێ فرۆكێ جارەكا دی هات و دگەریا ل سەر باژێرێ شێخان, وما نەچۆ دەمەكی درێژ وخەلك یێت ترسێن كا ڤێ جارێ دێ ل كیژ جهی دەت هەڤالێن مە ئەم ئاگەهدار كرین كو ساعەت سفر دەست پێ كر ,ل دەم ژمێر (12) شەڤێ ئەز و هەڤالێن خو كەتین ئامادەباشیێ ومە هەڤالێن خۆ ئاگەهدار كرن كو چاڤەرێ بن ل ڤان سەعەتا دێ پێشمەرگەه گەهتا شێخان گەلەك كەیفا مە هات , ل دەم ژمێر 3 شەڤێ هندەك ڕەفیقێن حزبی خو هاڤێتن مالا حجی علی گۆتن ئەم بەختێ هەوە دانیێن ئەم چ بكەین, ناڤبری گۆتێ هەما خو سەلم بكەن هون یێن ل جهەكی ئەمین ,پشتی هنگی ئەز دگەل وان ئاخفتم گۆتە من رێڤەبەرێ ئاسایش و قائیمقام و ئەمین سر شوعبە و فرقە حزبی یێت جوینە بنیا شێخان دێ ڕەڤنە و مە دەست وخاتری ژ ئێك خاستیە ونهو باژێرێ شێخان حكومەت نەمایە , هندەك ژ هەڤالێن مە یێت بەعسی چۆنا مالا بابە شێخ و هندەك جونا مالا میری وئەم یێت هاتینە مالا هەوە وهندەك ژ هەڤالێن مە ژ ترسا یا خۆ ڤەشارتی,مە گۆتێ هەرن هەمی هەڤالێن خوئاگەهدار بكەن ونەترسێن چ لسەر كەسی نینە وهەر كەسێ بهێتە ڤێ مالێ دێ یی ئازاد بیت , ئەو بو ئاگەهداریا هەڤالێن خۆكرن و ژمارەكا ڕەفیقا هاتن جهێ مە و مە ب ڕاشكاوانە گوتا وان ئەم پارتی نە ونەترسن , ل دەم ژمێر 6 سپێدێ هەمی خەلكێ شێخان یی چاڤەرێ بوو كەنگی دێ پێشمەرگەه ئێتە ناڤ باژێری و ل كیژ ئالی دێ دیار بیت ئەو بو ل سەرێ گرێ شێخالێ شەمسا پێشمەرگەه دیار بو یێ ب رەخ جندێن سدامی دادنێن و یێت ڕەڤن پێشمەرگەه یێ ل پێ وان دەمێ خەلكێ ئەو دیمەن دیتی هەر كەس ژ مالا خو دەركەفت وچۆنا پێشوازیا پێشمەرگەهی هەر ل وێ گاڤێ پێشمەرگەه ل سێ رەخا دیار بون ل دوڕمانوری شێخان جەماوەر پێ خوشحال بون وەكی سەرهلدانەكێ لێ هاتن وچۆنا پێشیا وان وگۆتنێ بخێر بێن و شریناهی ل سەر واندا هاڤێتن و دەنگێ هلهلاندنێ دهات و خەلكێ خۆ ل ستۆیێ پێشمەرگەهی دان وماچ دكرن گەلەك دیمەنێن جوان بون ,هەر وێ گاڤێ ئەم وەك بەرپرساتیا ژۆرێ و ئەندامێن دگەل من دا چۆینە پێشوازیا فەرماندەیێ لەشكەری بەرێز (عەزیز وەیسی وعومەر ئۆرەی بەرپرسێ محوەرێ شێخان كاك یوسف رەمەزان بەرپرسێ ناوچا شێخان یا پارتی وقائیمقامێ قەزا شێخان بەرێز باسل جوقی و بەرێز ئەحمەد نەوروز رێڤەبەرێ ئاسایشا شێخان) گەهتینە ئێك ل دەڤ بارەگایێ ناوچا شێخان و ب رێپیڤانەكا ب پیێا هەر ل سەرێ باژاری هەتا دوماهیكێ ئەم پێكڤە چۆین, وخەلك دگەل مەدا دهات و ب دێمەكی گەش پێشوازیا ل مەدكرن ولدیڤدا هەمی هەڤالا بریار دا سەردانا ژۆرا مە یا ئوپەراسیۆنێ بكەین, وسۆپاسیا مالا حجی علی بكەن ودەست خۆشیێ ل هەڤالێن مە یێت رێكخستنێ بكەن بێشك مە سەرەدان جهی كر وسوپاسیا بنەمالێ و هەمی كەس و كارێن مالا مەهمەدی هاتە كرن, ژ بۆ ڤێ هاریكاریێ و هەستێ وان یێ نەتەوەیی و ملكچیا وان بو رێبازا پارتی و بارزانی, دیسا دەست خۆشی ل بەرپرس و ئەندامێن ژۆرێ هاتە كرن وهاتنە خەلاتكرن ژ لایێ بەرپرسێ محوەری ڤە.
تُتاح هذه الصورة أيضا في: کوردی