تۆرا لالش
ل ڕێكهفتی 6كانوونا ئێكێ2024ێ، ب ئامادهبوونا مامۆستا و رهوشهنبیر و كهسایهتی و ماقول و موختارێن دهڤهرێ، ل هۆلا لالش مهههتێ نڤیسینگهها لالش ل مهههتێ ب ههماههنگی دگهل ناڤهندا لاوێن شێخان كۆمبونەکا بەرفرەهـ كو ژ پێنج بڕگان پێكهاتبوو ل ژێر چاڤدێریا خاتوون و ههڤژینا میرێ ئێزدیان سازكر.
ل دهسپێكێ پهیڤا بخێرهاتنێ ژلایێ صادق عهلۆ ساڤارا بهرپرسێ لژنا پارتی یێ ناڤخۆیا شێخان هاته پێشكێشكرن و پاشان ئامادهبووی خۆلهكهكێ بۆ گیانێ پاكێ شههیدێن کورد و کوردستانێ و سەروەرێ وان بارزانیێ نەمر و کاک ئەدریسێ ههردهم ساخ سهكنین.
ل دووڤدا د پهنهلهكی دا مەیان خاتوونێ هەڤژینا میرێ ئێزدیان و خاتوونا ئێکێ دناڤ ئێزدیان ده رژدی ل سهر ئێكرێزیێ و تفاق و تەبایێ د ناڤ ئێزدیان دا كر.
ههروهسان ل دووڤدا مههدی حهسهنی بەرپرسێ نڤیسینگەها لالش مەهەتێ و ئەندامێ لقێ٢٠ و رۆژنامەڤان ل سەر بەرهنگاربوونا توند و تیژیێ ل دژی ئافرەتێ ئاخڤی.
د برگهیهكا دیتر دا پیر خەلات الیاس زانایێ ئاینی و نڤیسەر ل سەر رێزگرتنا دایك و بابا و پەروەردێ ئاخڤی، و ماموستا و چالاکڤان ژیان حهسهن ژی ل سەر مافێ ئافرەتێ ئاخڤی.
تێ زانین ههموو برگێن ڤێ روونشتنێ ژلایێ نڤیسكار و شانۆكار حسێن باعهدری دهاتنه ب رێڤهبرن.
ل داویێ ژی، خهلاتێ رێزلێنانێ ب سهر 85 کەسایەتی و رێڤەبەر و ماموستا و ئافرەت و قوتابی و لاوان هاتنه دابەشکرن و ههروهسان ژبهر كهد و خزمهتا مامۆستا مههدی حهسهنی د بیاڤێن نڤیسین و رهوشهنبیرییێ دا مەیان خاتوونێ خەلاتەکی تایبەت یێ رێزلێنانێ كو پێكهاتبوو ژ قهلغانێ قوبێن پهرستگهها لالش پێشكێشی مامۆستایی كر و ههروهسان خهلاتهكێ رێزلێنانێ پێشكێشی نڤیسینگههێ ژی كر.
تُتاح هذه الصورة أيضا في: کوردی