تۆرا لالش
د بەردەوامییا چالاکییێن خۆدا ب هەلکەفتا هاتنا ڕۆژی و جەژنا ئێزی یا ئێزدییان، بنگەهێ لالش تایێ شاریا ب هەڤکاری و پشتەڤانیا (کەنیسە زاخو الانجیلیە) و بەرێزان (قەس فضيل و قەس دانيال)، ل رۆژا شەمبوویێ رێککەفتی 7/12/2024 ل هۆلا لالش ئێک رابوون ب پارڤەکرنا هاریکارییان ب سەر 200 خێزانێن هه‌ژار و کێمدەرامەت یێن ئاوارێن شنگالێ و خۆجهێن کۆمەلگەها شاریا و رزگاربویێن دەستێ داعش و زاڕۆکێن بێ سەمیان.
هاریکاری پێکهاتبوون ژ کەلوپەلێن خوارنێ یێن جۆراوجۆر ئه‌وژی برنج ،زەیت فاسولی و شیر و توڤ چای و ڕژدە و شەکر و گەلەکێن دی.
ژا ئالیێ خۆ ڤە بنگەهێ لالش تایێ شاریا سوپاسیا قەس فضيل و دانيال کر بۆ هاریکاری و هەماهەنگیا وان دگەل مەدا بۆ پارڤەکرنا ئەوان هاریکاریان، کو بەردەوام هاریکارن دگەل کەم دەرامەتان.
بنگەهێ لاش تایێ شاریا سالانە وەکو نەریتەک ل پێشییا هەموو جەژن و هەلکەفتێن ئێزدییان ڕادبت ب هاریکاریکرنا خێزانێن کەمدەرامەت، ئەو هاریکاری پێک دئێن ژ گاز، سۆپە، و هاریکارییێن مرۆڤی، ئاهێن خوارنێ و هتد.
تُتاح هذه الصورة أيضا في: کوردی
