تۆرا لالش
ل رێكه‌فتی 2025/2/12، نڤیسینگه‌ها لالش تل قه‌سه‌ب ب هه‌ڤكاری دگه‌ل كارگێریا قوتابخانا چه‌ممشكۆ دوو، گه‌شته‌كا زانستی بۆ قوتابیێن د كۆرسێ ئێكێ ل وه‌رزێ ئێكێ پلیێن باش د ئه‌زموونان دا ب ده‌ست خۆڤه ئیناین گه‌شته‌كا زانستی بۆ وان ل زانكۆییا زاخۆ ئه‌نجام دا.
د ڤێ گه‌شتێ دا ب شێوه‌یه‌كێ تایبه‌ت قوتابییان سه‌ره‌دانا كولیژا زانست، به‌شێ كیمیا و ژینگه‌هێ كر و د ڤێ گه‌شتێ دا، قوتابیان كارین نێزیكی ژیانا زانكویێ ببن و چه‌ندین به‌ش و كولیژێن جودا ببینن و دانوستاندنێ دگه‌ل قوتابییان و كارگێریێن وان ئه‌نجام بده‌ن.
هه‌روه‌سان مفایی ژ تاقیگه‌هێن زانستی ببینن و دگه‌ل كه‌ره‌سته‌یێن نووی یێن زانستی ئاشنا ببن و هه‌روه‌سان زانیاریێن گرنگ وه‌ربگرن ده‌رباره‌ی به‌شێن كیمیا و ژینگه‌هێ و ده‌رفه‌تێن كاری پشتی ته‌مامكرنا خواندنێ.
ئه‌ڤ گه‌شته به‌شه‌كه ژ به‌رنامێ نڤیسینگه‌ها لالش تل قه‌سه‌ب بۆ پێشڤه‌برنا ئاستێ زانستی و په‌روه‌رده‌یی یێ قوتابیان دێ به‌رده‌وام بت و هه‌روه‌سان ژ به‌ر ئه‌نجامدانا ڤی كارێ هه‌ڤپشك و پشته‌ڤانیا قوتابییان رێڤه‌به‌ریا قوتابخانێ ب گه‌رمی سوپاسیا نڤیسینگه‌ها لالش كر.
تُتاح هذه الصورة أيضا في: کوردی
