تۆرا لالش
ل رۆژا پێنجشەمووێ ١٣ی شوباتا ٢٠٢٥ێ، بنگههێ لالش تایێ شنگال ب هەڤکاریا رێکخراوا ههیڤا سۆر، کۆمەکا چالاکیێن گرنگ ل کەمپا خانکێ ئەنجام دان.
د دەستپێکێ دا، خواندنەکا زانستی بۆ قوتابیێن قوتابخانا شڤان میدیا یا بنەڕەتی هاتە پێشکێشکرن و ناڤەرۆکا خواندنێ ل سەر گرنگیا خوارنا ساخلەم و دوورکەفتن ژ ڤەخوارنێن گازی بوو.
هەروەسا گرنگیا پاقژیێ بۆ پاراستنا تەندروستیێ و دوورکەفتن ژ نەخوەشیێن ڤەگر هاتە شرۆڤەکرن.
پشتی هنگی، خواندنەکا تایبەت بۆ مامۆستا و کارمەندێن قوتابخانێ هاتە پێشکێشکرن کو تێدا رێکێن پاراستنێ ژ نەخوەشیێن پەستانا خوینێ و شەکرێ هاتە رۆنکرن، ئەڤ خواندنە ب رێکەکا زانستی و پراکتیکی هاتە پێشکێشکرن داکو هەر کەسەک بكارت مفایی ژێ وەربگرت.
ژبهر ئهنجام دانا چالاكیێن رهوشهنبیری رێڤەبەریا قوتابخانێ سوپاسیەکا تایبەت ئاراستەی بنگههێ لالش شنگال و نڤیسینگەهێن وێ کر.
ئەڤ چالاکییە بۆ خزمەتکرنا جڤاکێ و بلندکرنا ئاستێ هشیاریێ د ناڤ خەلکی دا هاته ئهنجام دان.
تُتاح هذه الصورة أيضا في: کوردی