ماوێ دوو سالانە ئافرەتەكە خۆبەخش خزمەتا پێشمەرگەی دكت
باسنيۆز:
سارا دۆسكی ئەو ئافرەتا خوەبەخش ژ وەلاتی سوید ل كارەساتا شنگال ڤەگەریایە كوردستانێ، ئۆ هاتیە ناڤداركرن ب دكتورا سارا بۆماوی پتر ژ دو سالان دناڤ سەنگەرێن پێشمەرگەی دا خزمەتێن تەندروستێ پێشكیشی پێشمەرگەی دكەت.
سارا دۆسكی، بۆ (باسنیوز) دیاركر بۆ ماوی 32 سالان ئاكنجیی وەلاتی سویدمە و دەمێ من كارەساتا شنگا ل سەر شاشێن تەلەفزیونێ دیت، ئۆ ئیكسەر من قەستا هەرێما كوردستانێ كر ل رۆژا 9/8/2014 گەهشتمە چیایی شنگال ئۆ خوەبەخش دەست ب خزمەتكرنا لیقەوماین كوردێن ئێزدی كر.
گوت ژی “هەتا نووكە بەردەوام ل سەر كارێ خوە ل هەموو سەنگەرێن پێشمەرگەی دگەل تیمێ 122 یێ ساخلەمیا دهۆكێ قەستا شەری دكە ژبۆ چارەسەركرنا بریندار و ئاواران هەتا تیرۆرستێن داعش ژناڤ دچن، دێ ل كوردستانێ بم، دێ یا بەردەوام بیت ل سەر گەهاندنا خزمەتێن تەندروستێ بۆ هەموو سەنگەرێن بەرەڤانیی ژ ئاخا كوردستانێ، ئەم چ بكەن ژبۆ پێشمەرگەی قەرەمان هەر یا كیمە، چونكوو ئەڤرۆكە پێشمەرگەی كوردستانێ كەرامەتا هەموو مرۆڤان بێ جۆداهی دپارێزیت ژ پێش هەموو جیهانێڤە شەرێ تیرۆریستان دكەت.
خۆیا ژی كر “وژدانا من قەبوول نەكر ل ئوروپا روونشتی بم لەورا ژی من قەستا كوردستانێ كر بۆ خزمەتكرنا پێشمەرگەی، ل كەمپین ئاواران ژێ خزمەتێن تەندروستی پێشكیشی خەلكێ خوە دكەم، نها وژدانا من گەلەك ئارامە ئەز ناڤ پێشمەرگەی دا كار دكەم.”
تُتاح هذه الصورة أيضا في: کوردی