ل هەرێما كوردستانێ رێژەیەكا كێم یا ژنان د دام و دەزگەهێن حكوومی و میری دا كاردكن
تۆرا لالش یا راگەهاندنێ/جوان بەرواری 
ژن دئێتە هژمارتن نیڤا جڤاكی،ل سالێن بۆری ل هەرێما كوردستانێ ژنێ رۆلەكێ زۆر كێم هەبوویە دبوارێن سیاسی و جڤاكی و حكوومی دا،لێ ل ڤان سالێن داویێ دا تارادەیەكی هاتیە پێش،بەلێ نۆكە ژبەر چەند ئەگەران رێژەیەكا زۆر یا كێم یا ژنا د دام و دەزگەهێن حكوومی و میری دا كاردكن و نكارت ب دروستی رۆلێ خۆ بینت،دیسان بەشداریا ژنێ بۆ ناڤ كاروبارێن سیاسی د ئاستەكێ نزم دایە،چنكو جڤاكێ مە هێشتا نەگەهشتیە وی ئاستی كو بەشداریێ دتەڤایا بوارێن جودایێن ژیانێ دا بكت.
ل دۆر ڤێ چەندێ،چالاكڤانێ سیاسی”كاوە عیدو خەتاری”دیاركر:”ئەگەر ئەم تەماشەی سالێن بۆری بكەین دێ بینین كو ژنێ رۆلەكێ زۆر كێم هەبوو دبوارێن سیاسی و جڤاكی و حكوومی دا،لێ ل ڤان سالێن داویێ دا تارادەیەكێ ژن هاتیە پێش،بەلێ هێشتا خۆ باش نەدیتیە وەكو ژنێن وەلاتێن بیانی كو بكارت پشكداربت دڤان بوارێن جودا جودا دگەل هەبوونا ڤێ عەولەمێ رەوشەنبیریێ پێشكەفتنێ دا ، لەورا دبینم كو رێژەكا زۆر یا كێم یا ژنا د دام و دەزگەهێن حكوومی و میری دا كاردكن و رۆلێ خۆ دبینن،لێ نە ل وی ئاستێ پێتڤی دایە،ژبەركو گەلەك ئەگەر هەنە بنە رێگر ل پێشیا ژنێن ئەكتیڤ وپسپۆرو رەوشەنبیرو شارەزا دبوارێ جڤاكی و سیاسی دا،ل ڤێرە ئەو ئەگەر ژی دزڤرن بۆ ژنێ بخۆ هندەكێت دی ژی ژبۆ داب ونەریتان و عەرف و عاداتێن ئاینی ژی بەشەكە ژ وان خالان كو ژن نكارت ب دروستی رۆلێ خۆ بینت،ژلایەكێ دیڤە جڤاك بخۆ ژی بەرپرسە ژڤێ چەندێ، دیسان ژن تووشی گەلەگ ئاستەنگان و ئاریشان دبت د كاروبارێن حكوومی دا تایبەت سیاسی،ئانكو تووشی شكەستنا كەسایەتیێ دبت ئەو ژی گەلەك كەس هەینە نەڤێت ژن پێشبكەفت یان رەوشەنبیربت بەرامبەر رەگەزێ نێر،لەورا هەولدەن تەشویهەتا سمعەتا وێ بێتە كرن ئەڤە ژی هزرەكا نەجهێ خۆ دایە و یاپاشكەفتی یە و دبتە ئەگەرێ ململانێ دناڤبەرا بێلایەنیا ژنێ دا ،هەروەسا ئێكەم پێنگاڤ ئەوە پێتڤیە ژن ژ خۆ دەست پێبكەت پاشی جڤاكێ خۆ هاندەتە وێ یەكێ كو ئێتە هژمارتن نیڤا جڤاكی و ئێك ژ چینێن نازك دناڤا هەموو جڤاكاندا رۆلەكێ سەرەكی یێ هەیی دچەندین بواران دا، خالادیتر ژن وێ ویرەكیێ بدەتە خۆ هەردەم یا ب هێزە و یارەوشەنبیربت، چنكو ئەو ژی وەكی توخمێ نێرینە دكارت خزمەتا جڤاكی بكت و مل ب ملێ زەلامی هەولا ئاڤاكرنا وەلاتێ بدەت و یاخۆ راگربت د دەربازكرنا ڤێ قۆناغێ دا،چنكو ژن د دەمێ شۆرەشێن كەڤن دا هەتا نۆكە یا كاری رۆلەكێ هێز بلەیزیت هەتا گەهشتیە ڤێ قۆناغێ”.
ژبال خۆڤە،میدیاكار”سوهام عەبدولایونس”خویاكر:”ئاساییە ژنەك سیاسی چالاكیێن جڤاكی ژی ئەنجام بدەت و فەرمانبەرا حكوومەتێ بت،ئەڤە نەب وێ رامانێ یە كو تێكەلێن جڤاكی دگەل هەڤسێن خۆ ژی نەبن ، بەلكو هیچ كارەك بێ ئاستەنگ نابت دیارە ئاستەنگا هەرە مەزن نێرینا جڤاكی یە بۆ ژنێ و كێم دیتنا رۆلێ ژنێ،مخابن گەلەك جاران بەریا ژنەك چالاك ژ ئالیێ زەلامی ڤە بكەفتە بەر تیرو توندییا ژئالیێ ژنان بخۆ ژی رەخنە لێ دهێنەگرتن و ئاستەنگ بۆ دروست دبن ،چنكو جڤاكێ مە هێشتا نەگەهشتیە وی ئاستی كو پێتڤیە ژن ژی بەشداریێ تەڤایا بوارێن ژیانێ دا بكت ژ ئالیێ سیاسی و ئیداری وجڤاكی و ئابوری ڤە،ئەڤە ژی گرێدایی ئاستێ تێگەهشتنێ و هزركرنا جڤاكا مەیە بۆ ژیانێ پیاوسالارییە ، واتە زەلام بالادەست و بریاردەرە د هەموو بوراندا،لەورا دجڤاكێ مەدا بەشداریا ژنێ بۆ ناڤ كاروبارێن سیاسی د ئاستەكێ نزم دایە وكارەكێ زەحمەتە و پێتڤی ب قوربانیدانێ هەیە،یاگرنگ ئەوە هەرئافرەتەك كو دوارێ سیاسی و ئیداری وجڤاكی و ئابووری دا كاربكت بزانت دێ چاوان هەڤسنگیێ دناڤبەرا خێزانداریێ و كارێ خۆ یێ دەرڤە دروست كت ، ئەڤە ژی پێنگاڤەكا گەلەگ گرنگە ب تایبەتی ژنا دەیك خووندنگەها ئێكێ یە بۆ پەروەردە وپێگەهاندنا زارۆیێ خۆ،چنكو ئەو ژی نەڤیێ پاشەرۆژێ یە”.
تُتاح هذه الصورة أيضا في: کوردی