هۆزانێن وێ ل سەر كارەساتێن شنگالێ نە
تۆرا لالش یا راگەهاندنێ
هەلبەستڤانا كچ”لەیلا رەشكانی” بۆ رۆژناما دەنگێ لالش دیاركر:”پشتی كارەساتا ب سەرێ خەلكێ شنگالێ ل 3/8/2014ێ،من ژی ڤیا ب رێیا هەلبەستێ بەرەڤانیێ ژ مللەتێ خۆ بكەم وەك هەر مێرخاسەكێ بەرخودان كری و دكت،ئەڤ چەندە بوویە ئەگەر چار هەلبەستان تۆمار بكەم،ئێك ژوان بناڤێ(رێیا ئاینێ من شرینە)ناڤەرۆكا وێ ل سەر ئێزدیاتیێ بوو،دیسان هۆزانێن من ل سەر كارەساتێن شنگالێ و وێ زولما ب سەرێ ئێزدیان هاتیەكرن د مێژوویێ دا نە”.
ڤێ هەلبەستڤانێ دیاركر ژی ل سالا2012ێ ئێكەمین هەلبەست بناڤێ(وارێ من دەیكا شەهیدا) نڤیسیە، ناڤەرۆكا وێ ل سەر كارەساتا(سیبا شێخ خدر و تلعزێر)بوو ئەوا ل رێككەفتی (14/8/2007)ێ روودایی هێشتا من تۆمارنەكریە،هەروەسا ب رێژەیەكا كێم هەلبەستێ ل سەر قۆناغا ئازاددنڤیسم و یێن دی كلاسیكن، هۆزانێن من ل سەر كارەساتێن شنگالێ نە و وێ زولما ب سەرێ ئێزدیا هاتیەكرن د مێژوویێ دا و ب زمانی َ كوردی هەلبەستێن خۆ دنڤیسیم ،كارەساتا شنگالێ یا بەری دوو سالا بوو ئەگەر پتر بێمە دناڤ گۆرەپانا ئەدەبی دا ،بەری كارەساتا(3/8/2014)من ل سەر ستەیجی هەلبەست تۆمارنەكرینە، لێ پشتی كارەسات ب سەرێ مەهاتی من ژی ڤیا برێیا هەلبەستێ بەرەڤانیێ ژ مللەتێ خۆ بكەم وەك هەر مێرخاسەكێ بەرخودان كری و دكەت،ئەڤ چەندە بوویە ئەگەر من چار هەلبەست تۆماركرن ئێك ژوان بناڤێ(ریكا ئاینێ من شرینە)ناڤەرۆكا وێ ل سەر ئێزدیاتیی بوو،هەروەسا د دەستپێكا كارێ خۆ یێ هەلبەستێ دا هەتا نۆكە نێزیكی 33هەلبەستان نڤیسینە و بتنێ مالباتا من پشتەڤانی و هاریكاریا من كریە.
رەشكانی ل سالا1997ێ،ل كۆمەلگەها خانەسۆرێ ل قەزا شنگالێ ژ دایك بوویە.
تُتاح هذه الصورة أيضا في: کوردی