شنگالا من
سماح نحمان
سوند خوارم ئەز
ب هەموو دار هەژیرێن تە
ب هەر كەڤر و كلیلەكا چیایێ تە
ب هەر قوب و دێر و مزگەفتەكا تە
ب ترب و گۆرێن جان گۆرێن تە
ئەزێ بمینم ل سەر رێك و رێبازا
دەستە رانەكام ژ سەر دارێ تڤەنگێ
شنگالا من
دەنگێ قیژی و هاوارێن تە
ب دەنگ ترە و بهێز ترە
ژ گور گورا عەوران
قیژی و هاوارێن زارۆكێن تە
د گوهێ مندا نالا نالا
هێزا كچێن تە
عەرد و عەسمان
دەشت و چیا
د هەژاندن
بوكێن كوفی كەسك و سپی و سۆر وزەر
كەزی گرێداینە
دبنێ زیندانە زالمان دا
شنگالا من
وەكی هەفتی و سێ جارێن بۆری
برینێن تە ساخ كرن
جۆیكێن تە تژی خون كرن
زارۆكێن ساڤا دناڤ دەیتێن دایكێ دا
خر كێم و خوین كرن
ئەرێ كێ دیتیە
دایك گۆشتێ زارۆكێ خۆ بخۆت
و كێ هاژێ بوا
ئەی هاوار بۆچی مرن ژ مە ڤەنابیت
بۆژی مە ێ قیمەت دبینن
دوژمنێ ڤی وەلاتی یێ بێ ئول و دین
یێ دبێژیت
ئەم وەلاتەك پیرۆزین
شنگالا من
ئەژی پێشمەرگەمە
سن الكلوبم … سەری ناچەمینم
بەراف پێش دلەرزینم
خودان ئارمانجم
نڤیا شەهیدی مە
خوین گەرمم
كەه ل قوبلەت و كەه ل شمالە جوانە
ل كەرسێ و ل میرگەها شەرفەدین
ل سولاغ و سكێنیێ
مل ب ملێ كورێن تە وان مێرخاسان
لبن سیبەرە ئالا پیرۆز
ئەم دێ دەین و موكم كەین هەموو سنورا
ئەم ئێ بین رێبرین
شوفینیا و هاموو خاینا
ل سەر هەر دیوارەكی ژ كوچك و دیوانێن تە
ئەم ئێ بنڤیسین
شنگال كچا كوردانە
سەد جار ب تە دكەن
دەست و مال و عبا
هەر توی بوكا دەولەت بونێ
پێشمەرگە سنگ چیانا ل پێشیا سەنگەرا
نا كەڤی و نا لڤی و نائێ گوهورین
شنگالا من
ئەڤە سۆزا بابێ مەزنە
ئەم دێ مینین ل سەر باوەریا
توژی دێ مینی توڤێ هیڤیا
جهێ هەبون و ژینا مە
ماكا كورد و كوردینیێ
تامە ئیزدیاتی و رەسەنیاتیێ
زیارەتە داستان و چیرۆكان
فەرهەنگا بالین و دیرۆكە مە
ئوجاغا پێكڤە ژیانێ
دوژمنێ مرۆڤایەتیێ نكارێ چرایێ نە ڤەمرینت
نە كاریا و نكارت
تُتاح هذه الصورة أيضا في: کوردی