دڤێت مرۆڤ هەردەم یێ گەشبین بت دا ژیانەكا بەختەوەر هەبت
چنار شمو
گەلەك جاران هەستێ مرۆڤی جار یێ خۆشە و جار یێ نەخۆشە ،بەلێ هەستێ خۆشیێ و نەخۆشیێ بۆ دەردێ وی كەسی دزڤرت ، گەلەك جاران هندەك كەس هەنە وەسا هزر دكن ئەگەر ئهوى خانیەكێ خۆش هەبت یان ترومبێلەك یان ژی كێشا خۆ بینتە خوار یان زارۆكەك هەبت،دێ هەست ب خۆشیێ كت ، بەلێ وەسا دیار دبت كو هەر كەسەك دێ هنگی هەست ب خۆشیێ كت ئەگەر ئەو تشتێ بڤێت ب دەست خۆ ڤە بینت.
هندەك كەس هزر دكن كو هەستێ خۆشیێ ئەوە دەمێ هزر د سەركەفتنێ دە دكت ، بەلێ یادروست ئەوە دەمێ مرۆڤ سەردكەفت دێ هەست ب خۆشیێ كت ، ژبەركو ئەو تشتێ وی هزر دكر و پێكول ژێرا كری و خۆ ماندوو كری هەتا كو گەهشتیە وێ ئارەزوێ دێ هنگی هەست بخوشێ كت.
بەلكی ل جەم هندەك كەسان گەلەك كاركرن ژبۆ گەهاندنا وێ ئارەزۆیێ كو خەونا پێڤە دبینن ، بەلێ پشتی هیڤیا وی ب جه هاتی ئەو كەس هەر هەست ب ئارامیا مێشكی ناكت و دێ هزر كت كو هندەك تشتان بكت دا پێ خۆ كەیف خۆش كت ،بۆ نمونە ڤەخوارنا مەی و كێشانا جگارا و مانا وی دجهەكی بتنێ ڤە … و هتد ،ئەڤ چەندە دێ هەستێن نەخوش لجەم پەیداكت،لەوما دبنە مایێ ئاریشێن مەزنتر وەك ئێشێن دەروونی یێن بەردوام.
ئاڤاكرنا خۆشیێ و ژ بیركرنا نەخۆشیان د دەستێ مرۆڤی دایە ، ئەگەر بڤێت دێ ژیانا خۆ خۆش كت،هەردەم تشتێن نەخۆش یێن بۆری ژبیربكت و نەهێلت كەس هەستێن نەخۆش بۆ پەیدا بكت و هەستێن تە داگیر بكت و ژیانا تە نەخۆش بكت ،لەوما دڤیا مرۆڤ هەردەم یێ گەشبین بت دا ژیانەكا بەختەوەر هەبت.
تُتاح هذه الصورة أيضا في: کوردی