سیاسەت دەستوور،پەروەردە،فێركرن و یاسایە
جوان عزەت
سیاسەت هۆنەرە ، ئانكو كارێ سیاسەتێ مورال وئارمانجا دەولەتێ یەنچونكو ئەوا دسیاسەتێ دە دروست دبت، ژبۆ خێرو تەڤاهیا مللەتی و ب رێڤەبرنا بەرژوەندا جڤاكی یە، بەلێ ئەگەر ب دروستی بەحسا سیاسەتێ بكەین، دێ بینن كو كورد ب شێوەیەكێ زاتیانە سەرەدەریێ دگەل سیاسەتێ دكن هەتا وی ئاستی كو بابەتی وندا دكن.
دیسان سیاسەتێ، ب درێژاهیا مێژوویێ دە ئەركێ گشتیێ ژیانی دیتیە، ئانكو دكارت وێ هاوسەنگیا دناڤبەرا هێزێن ناكۆك دا ب پارێزت و جۆرێن پەیوەندیان ل ناڤبەرا وان دا دروست بكت،بەلێ ئەم بنێرین دناڤبەرا دژە سیاسەتێ و سیاسەتا رزگاریخواز دا، ناڤەرۆكا گشتی بەر ب قۆناغا رێككەفتن و ململانێ دا دچت،چنكو ل هیچ سەردەمەكی دا سیاسەتا رزگاریخواز ب داوی نائێت و ل ناڤ ناچت،ژ بەركو كارێ وێ جۆرە سیاسەتێ پاراستنا بوها پرەسیپێن ئازادبوونێ نە،لگۆر كەتوارێ نهۆ ژی دا یا دیارە كو ئەم دناڤ دژە سیاسەتێ دا دژین، بەلێ ئەڤە نابتە ئەگەر كو دەست ژ سیاسەتێ بەردەین،ژبەركو د دارشتنانا سیاسەتێ دا دیار دبت، كو مرۆڤ بەردەوام رووبەروی چەوساندن ئێشا نەزانینێ دبت هەتا بەرەف رێیا عەدالەتێ دچت،رەنگە د نێرینا سیاسەتێ دە یا هەر دەولەتەكێ ب ئاوایەكی دئێتە نرخاندن،چنكو ئەو كاركرنا دسیسەتەمێن سیاسی دا، لگۆر ئەقلێ كەسی نەبت، هینگی چ جوداهی و پەیوەندی دناڤبەرا زاتێ وێ كولەدارییا وێ دا نینە،نموونە: ل دووڤ وێ بریارێ یا كو ئەمریكا، كریە پیڤەرێ ستاندەرتیا خۆ دخوازت توركیا، سیاسەتا دەرڤە بگهۆرت و پەیوەندیێن سیاسی دبلۆماسی نووخواز دگەل روسیا، ئیسرائیل، مسر، سوریا گرێدەت،ئەها ل ڤێدەرێ دیارە كو باندۆرا ڤێ سیاسەتا نووخواز ئەو بت یا كو ببتە ئێكەم مەرجێ سەرەكی بۆ ژناڤبرنا كوردان،لەورا درەوشەك هۆسان نالەبار دا، پێویستیا كوردیێن باكوور یا ب پێنگاڤێن هاوبەش ڤە هەی دگەل بەرچاڤ وەرگرتنا باشوورێ كوردستانێ.
ل داویێ دبێژم دچارچۆڤێ سیاسەتەك هۆسان دا پێویستە گەلێ كورد، خۆ هشیار بكت ل هەمبەری دەولەتێن زلهێزو سەردەست،چنكو سیاسەت دەستوور، پەروەردە، فێركرن و یاسایە،ژبەرڤێ یەكێ ژی تەڤگەرێن كوردی هەردەم ل بن پرۆسسا (تورك، ئەرەب و فارسان) دەربازی ب رێڤەبرنا خۆ بووینە،لەورا ژی هەتا كو تەڤگەرێن كوردی دەربازی بنگەهێن (ئەتیكا كوردی و نەتەوا كوردی) ب بن گەرەكە خۆ فێری داهێنان و سیاسەتەكا بەر پرسیاری بكن ل هەمبەری دوژمنێن خۆ،داكو دڤێ قۆناغا سەخت دا ئێگرتنا هەڤدو پراكتیزە بكن.
تُتاح هذه الصورة أيضا في: کوردی