پاشەرۆژا زارۆكێن شنگالێ بەرەف كوڤە
هەژار عەزیز عەبدۆ
ئەو رۆژا رەش یا بسەر شنگال دا هاتی ل(3/8/2014)ێ كو لدووڤ ئامارا رێڤەبەریا گشتی یا كاروبارێن ئێزدیان زارۆكێن كەفتینە دەستێ تیرۆرستێن داعش دا پتر ژ(2745) زارۆكانە و یێن هاتینە رزگاركرن(1874)زارۆكن و دیاركریە زارۆكێن شنگالێ بێ پاشەرۆژن دڤێت (UN) و هەرێما كوردستانێ هاریكاریا زارۆكێن شنگال بن، دا وەكی هەموو زارۆكێن جیهانێ پاشەرۆژا هەبن.
تێ گۆتن كو زارۆك پاشەرۆژا مللەتانە و زارۆكێن ئێزدی دڤێن وەكی زارۆكێن جیهانێ بخوونن وپێش بكەڤن،ئەگەر پێش بكەڤن دێ وەلاتێ مە پێش كەڤت،جیێ ئاماژە پێكرنێیە كو تێرۆرستێن داعش ب هەزاران زارۆكێن كوردێن ئێزدی گرتن و ئێخسیر كرن دەمێ دەست بسەر شنگالێ دا گرتین،وفێری كارێن تووندرەو كرن و ل وارگەهێن مەشق و راهێنانێ مەشق پێ دكرن و چاوانیا بكارئینانا چەكی نیشا وان زارۆكان ددان،دا ئەو زارۆك فێری كارێن خراب ببن،هژمارەك ژ وان زارۆكا ب رێیا نڤێسینگەها رزگاركرنا رەڤاندێن ئێزدیا هاتنە رزگاركرن لێ ژ ئەگەرێ وێ پەروەردا كو داعشێ نیشا وان دای زمانێ خۆ یێ دەیكێ ژبێر كرینە.
پێتڤیە لسەر رێكخراوێن نێڤ دەولەتی پتر خۆ ل ڤان زارۆكان بكەنە خودان،داكو ئەو كارێن هۆڤانە یێن كو داعشێ بەرامبەر وان ئەنجام داین بێنە ژبیركرن،ونهۆ رەوشا وان زارۆكێن رزگاربووی نەیا گونجای یە،ژ ئالیەكی دی ڤە دڤێت( un) و رێكخراوێن مافێ زارۆكا پێنگاڤێن پتر پاڤێژن ژۆ رزگاركرنا زارۆكێن ئێزدی یێن هەتا نهۆ ماین د دەستێ تیرۆرستێن داعشێ دا.
تُتاح هذه الصورة أيضا في: کوردی