سیاسەت و دیانەت
دلۆڤان ئەمجەد بارزانی
سیاسەت و دیانەت ئەڤ هەردوو بابەتە یێن بووینە قسە و بەحسێ لسەر دەڤێ هەموو تەخ و چینان دناڤ جڤاكی دا ، هەر ل زارۆكان بگرە هەتا گەنج و دانعەمران،ل هەرێما كوردستانێ ب تایبەتی و ل رۆژهەلاتا ناڤین (شرق اڵاوست )ب گشتی بچیە هەر مجلسەكێ یان ژی نك ئێك یان ژی هندەك ژ هەڤالان یان ژی هەر جیەكی دی كو بونەوەرێن ب ناڤێ مرۆڤ لێ بن بتنێ بەحسێ دوو تشتا دئێتە كرن (سیاسەت و دیانەت).
ب بۆچۆنا من ئەڤ هەردوو بابەتە دتایبەتن و ب كەسایەتیا مرۆڤی ڤە دگرێداینە ؟لێ مخابن ئەڤە دناڤ خەلكێ كوردستانێ و رۆژهەلاتا ناڤین دا یا بوویە داب و نەریت ، هەتا وی رادەی كو ل دەستپێكا هەڤنیاسینا دوو كەسان دا ئەڤ دوو پسیارە ل دەستپێكێ دئێنە كرن ئەو ژی ئـەرێ توو لایـەنـگـیـرێ چ پـارتـا سـیـاسـی ؟ئـەرێ بـیـروبـاوەرێـن تـە چـنـە ؟ تـوو لسـەر چ ئـایـنـی ؟،هندی ئەم ب دووڤ ڤان تشتان ڤە بین چ جارا ئەم پێش ناكەڤین و چ جارا ئەم دوەلاتەكی دا و دبن سیبەرا ئێك ئالا دا ناژین ،ئەڤ چەندە بوویە ئەگەرێ پەیدابوونا لاوازیا هزری و بێ هێزییا پێشڤەچۆنان ل رۆژهەلاتا ناڤین ،ئەگەر ئەم ب دروستی تەماشایی وەلاتێن ئەورۆپی بكەین ، پاشی تەماشای رۆژهەلاتا ناڤین بكەین دێ بۆ مە دیاربت كا ئەو چەندێن پێش مەدا و چەندێن پێشكەفتین،بەروڤاژی وان ئەم چەندێن ڤەمای و دناڤ پاشكەفتنا خۆدا ئەمێت نقووم بووین.
راستە دڤێت ئەڤ هەردوو تشتە ل نك مرۆڤی هەبن سیاسەت و دیانەت _سـیاسەت یانكو نێزیك بوون ژ چاكیێ و دووربوون ژ خرابیێ ، سیاسەت هۆنەرێ ب رێڤەبرنا وەلاتی یە لسەر بنەمایەكی راست و دروست كو د بەرژەوەندیا گشتی دا بت ،دیـــانــەت_ئەوە كو مرۆڤ پێ نێزیكی خودێ بت و رێیا خودێ پێ بناست ، مرۆڤی بەرەف باشیێ و میهرەبانیێ ڤە دبەت زۆری پیرۆزە و یێ گرێدایی یە ب كەسێ خۆڤە دناخێ مرۆڤی دا شۆل دكت و شین دبت ،لێ بەلێ هەتا نهۆ ژی خەلكێ مە ب درستاهی دڤان هەردوو بابەتان نەگەهشتینە و ب درستاهی لێك نا دەنە ڤە ، هەر لایەنێ نەرێنی دگرن و چ جاران ئەرێنی نەبوونە،ئەرێ بۆچی ئەم خەلكێ هەرێما كوردستانێ ب تایبەتی و رۆژهەلاتا ناڤین ب گشتی ئەم نائێین ل جیێت ڤان هەردوو تشتێن ب مرۆڤی ڤە گرێدایی ، بەحسێ بابەتێن رەوشەنبیری و زانین و پێشكەفتنا و داهێنانێت نوو بكەین ،دا بكارین خۆ وەك كەس پێبگەهینین و وەلاتێ خۆ دەولەتا خۆ بەرەف پێشڤە ببەین وەكی هەر دەولەتەكا دی یا ئەورۆپی ،ئەرێ ماچی ژ مە كێمە مەژی وەكی وان دوو دەست و دوو چاڤ و دوو لنگ نینە كۆ بكارن ببینین و كاربكەین و لسەر لنگێن خۆ ب سەكنین،بێگومان ئەم ژی وەكی وان مرۆڤین،لێ بەلێ هزرو بیرو بۆچۆنێت مە دگەل هزرو بیروبۆچۆنێت وان زۆر زۆر د جودانە.
دڤێت ئەم دەستپێكێ ژ خۆ دەست پێ بكەین ، خۆ چێكەین مرۆڤایەتیێ و ئێك دوو قەبوولكرنێ بكەینە پیڤەرێ سەرەكی یێ ژیانا خۆ ، چاڤێت خۆ ڤەكەین دا بكارین جیهانێ ب روونی پێ بینین د ژیانێ بگەهین ،ب دلەكی مەزن هەموو كەسان قەبوول بكەین لسەر بنەمایێ مرۆڤایەتیێ و ئێكگرتنێ بێ جوداهیا دین و نەتەوە و هەر تشتەكی دی،بلا هەردەم ل بیرا وە بت كو (هــەڤــالــیــنـی و بــرایــنــی ژ هــەمــوو تــشــتــا پـیرۆزتـر و ب قـەدرتـرن بتنێ كــو لســەر بـنـاغــەیــەكــی راســــت و دروســـت بـــن).
تُتاح هذه الصورة أيضا في: کوردی