کارتێکرنا تۆرێن كۆمه‌لايه‌تى لسەر ژێکدابراندنا جڤاکی
دلگه‌ش سه‌ليم
ئەگەر چی ل تەڤایا جیهانێ تۆرێن کۆمەلایەتی ژبو بهزکرن وخورتکرنا پەیوەندیێن کۆمەلایەتی و ئاڤاکرنا چڤاکەکی ساخلەم لسەر بنەمایێن پەیوندیێن (کومەلایەتی و رەوشنبیری و زانستی و ئابوری وسیاسی)…هتد دهێن بکارئینان،لێ ب مخابنی ڤە دگەل دەرکەفتنا پرۆگرامێن تۆرێن کۆمەلایەتی دناڤ جڤاکێن رۆژهەلاتدا و نەخاسمە ل ڤان سالێن دووماهیکێ دا و شاش بکارئینانا ڤان تۆران ژ ئالیێ چڤاکێ کوردی ب گشتی و ب هەموو تەخ و چینێن خوڤە و ب تایبەت ئێزدی رووبەرووی کێشە وئالوزیین هەرە مەزن دبیت و جڤاکی بەرەف هەلوەشان و ژێک دابرانێ دبن ،هەڤدوو شکاندن وهێرشکرن لسەر کەرامەت وپیروزێن هەڤدوو دناڤ تورێن کۆمەلایەتیدا ب تایبەت ژ ئالیێ تاکێن ئێزدیڤە لسەر جڤاکا خو یا بوویە دیاردەیەکا بەربەلاڤ و چاڤلێکەر وبەردوام دزێدەبوونێدایە ئەڤ یەکە ژی دێ ل پاشەروژێ کارتێکرن و کارڤەدانێن خراب دناڤ جڤاکا ئێزدیدا ل پێ خو هێلیت نە دوورە ژی ببە ئەگەرێ دلمان و هەلوەشاندنا پەیوندیێن کومەلایەتی ژ هەموو رووەکیڤە دناڤ جڤاکێ ئێزدی دا، هەرچەند یاسایەکا تایبەت ل دور شاش بکارئینان ئامێرێن پەیوندیکرنێ و شاش بکارئینانا تورێن کومەلایەتی ل پەرلەمانێ کوردستانێ هاتی یە دانان و سزایێن توند ژبورا هاتینە دانان بەلێ ب مخابنی ڤە نەهشیاری ونە شارەزایا خەلکێ ل دور ڤێ یاسایێ توشی شاشیا دبت .
دقێ یاسایێ (قانون رقم (6) لسنة 2008 قانون منع اساءة استعمال اجهزة الاتصالات في اقليم كوردستان ـ العراق)ْ
ب دیتنا من یا گرنگە خەلک هشیاری ڤان جورە یاسایا بت هندی زووە باشترە رێک ل هەمبەر ڤان جۆرە دیاردان بهێتە گرتن ژ ئالیێ جهێن بەرپرس و کەسایتی و رەوشنبیرێن ئولا ئێزدیان وب هەڤکاری دگەل حکومەتێ و جهێن یاسای هشیاریا و توعیا خەلکێ بهتە کرن ژبو رێگرتن ل ڤان جۆرە بێ رێزیێن کو دناڤ جڤاکێ کوردی دا دبەلاڤە، هشیاریا نەبونا خەلکێ لسەر ڤان یاسایا بوویە ئەگەرێ زێدەبونا پەیچ و ناڤێن بێ ناسنامە و ئاشۆپی دناڤ تەخا گەنجادا و ژبۆ مەرەمێن شاش وخراب دهێن بکارئینان مینا هەڤدوو شکاندنێ و تەشهیرکرن ب کەسایەتیێن سیاسی وئولی و تا ڕادەیەکی مەزن بێ رێزیێ هەمبەر پیروزین چڤاکی وئاینی و ناوچەگەریێ یێن هەڤدوو دکەن ب تایبەت د تورێن فیسبوکی دا تا کار گەهشتیە وی ڕادەی کو ل پاشەڕۆژێ مەترسیێن مەزن لسەر چڤاکا ئێزدی دروست بکەن،ژبو ئاڤاکرنا چڤاکەکی ساخلەم دڤێت ئەم هەموو ب هەڤرا کاربکەن لێ نەیا گرنگە تو چ کەسی ژ چ بنەمالێ یان عشیرتێی یان چ سیاسەتمەداری و پلە وپۆستێ تە چییە یان چ حزبی یان درچویێ چ زانکو وپەیمانگەهێی. یاگرنگ ئەوە ژ بو ئاڤاکرنا جڤاکی ئەم هەموو خوبەرپرس بزانن و پێکڤە ب ئێک گیان کار لسەر هندێ بکەن ژبو بەلاڤەکرنا هزرێن ئاڤاکەر ولسەر بنەمایێن رێزگرتنێ و رەوشتی و رێز ل دیتن وبۆچوونێن هەڤ دووبگرن وب هیڤی و ئومێدبن ژ بو ئاڤکرنا جڤاکێ ئێزدی و ب ئێک دەنگ ودەست بەرەڤانیێ ژ کێشە و مافێن ئۆل و جڤاکێ خۆ بکەن وبابەتێن گرنگ ل دۆر پێکڤە گرێدانا جڤاکێ ئێزدی بەلاڤکەن.
تُتاح هذه الصورة أيضا في: کوردی
