زمانێ پێكڤەژیانێ
پیر خەلات ئەلیاس
هەر كەسەك و مەعریفەتا زمانێ خۆ، و هەر ئەزمانەكی دوو كانی یێت هەین وەكا ئاڤێ ئێكە شرین و ئێكە تەحل و زۆربەیا خەلكێ بەرێ ژ بەری پێنجی سالان كانیا ئەزمانێ وان یا شرین بوو، ل هەردەم ڤیان و خێرخوازی یە ل سەر زمانێ وان بوو.
هەردەم دگۆتن (خێرێ بخوازە دێ خێر ئێتە رێیا تە)، و هیچ جیاوازی و جوداهیەكا مەعریفەتێ نەبوو دناڤبەرا ئێزدی و بسلمان و مەسیحیان دا،لەوما ل وی سەردەمی زمانێ پێكڤەژیانێ مەعریفەت بوو و هەر كەسی جیێ رێزێ و باوەریێ هەبوو و هەموو مللەت ب خودێ ناسینێ دنێزیكی ئێك دبن، بەلێ مخابن بۆ ڤی سەردەمی و هەتا رێژا (40 %)ێ كانیا زمانێ وان یە تەحلە و رێزێ نە ل خۆ و كەسەكی ناگرن و بتنێ زمانێ خۆ بۆ بەرژەوەندیێن خۆ بكارتینن و گەلەك جاران بوویە جیێ پرسیارێ و دێ بێژن:ئەڤە چەند بسلمان د خرابن یان ئێزدی د خرابن یان مەسیحی، و هەر كەسەكی زمانێ وی تەحل و خراب لسەر مللەتەكی نائێتە قەبوولكرن،چنكو هەموو مللەت خودێ ناسن و خێرخوازن و دڤێت ئەم باش بزانین دێ رۆژەكی پێتڤی ئاخفتنا ب خێر بین و هەكە بەرگەه چۆ و نەما دێ پۆشمان بین.
لەوما زمانێ پێكڤەژیانێ دگەل هەر كەسی دگونجت هەتا دناڤا مالێ و خێزانێ دا خودان پێتڤی زمانەكی شرینە و كەربێ و كینێ چوو ژێ نائێت، بەلێ زمانێ پێكڤەژیانێ بەختەوەری یە و پێشكەفتنە بۆ پێشەرۆژێ و خودێ ناسی یە،چنكو هەموو مللەت خودێ وێت داین و هەر كەسێ ئێك و دوو قەبوول كر، رامان ئەوە ئەوی كریارێ خودێ قەبوول كر و دبێژنە وی خودێ ناس، لەوما ئەم هەموو وەكا وی زمانێ شرین پێتڤی ئێك و دوونە و ئاخ و وەلاتێ مە كوردستان یە ناڤدارە ب پێكڤەژیانێ.
تُتاح هذه الصورة أيضا في: کوردی