چاوا فشارێن ژیانێ لسەر خۆ كێم بكەین
عزەت برۆ
چ پێنگاڤێن كرداری پێتڤیە ئەم بكار بینن بۆ كێمكرنا فشارێ و چاوا بكارن فشارێن رۆژانە یێن ژیانێ كێم بكن،هەردەم ئەم پسیار دكن كو باشترین رێ چیە بۆ رێكخستنا فشارا ل ڤێ داویێ چەندین توێژینا دیار كریە فشارێن دەروونی دبنە ئەگەرێ نەخۆشیێن دلی و جەلتێ.
فشار پشكەكە ژ ژیانا مە هەموویان و گەلەك جاران سپێدا ژ خەو رادبین ئەم دبێژن فشارەك لسەر مە هەیە، گەلەك كەس ڤێ دەستەواژێ بكار دئینن رۆژانە ئەو ژی ژ ئەگەرێ گەلەك كاری یە یان گهۆرینەكا مەزن د ژیانا مرۆڤی دا رووبدەت یان چاڤپێكەفتنەك هەبت دڤێت مرۆڤ خۆ بۆ را ئامادە بكت،هەروەسان فشار دروست دبت ژ ئەگەرێ كێشەیەكا دارایی یان ژ دەستدانا كەسەكێ نێزیك یان هەبوونا گەلەك كارا بێ كو مرۆڤ بێنڤەدانێ وەربگرت.
فشار تشتەكە هەموو مرۆڤ د هندەك حالەتان دا تووش دبنێ و وەسا دكت كو مرۆڤ هەست ب تۆرەییێ و ماندیبوونێ بكت، دەمێ ئەڤ فشارە بۆ ماوەیەكی درێژ بمینت و جێگر ببت كار دكەتە سەر ژیانا مرۆڤی یا رۆژانە و هەروەسا دبتە ئەگەرێ نەخۆشیا بۆ مرۆڤی دڤێت ئەم بزاڤێ بكەین،رێكخستنێ دناڤبەرا كاری و ژیانا خۆ یا رۆژانە دا بكەین.
چاوا بزانن فشار لسەر مە هەیە ؟
– ئاریشێن خەوێ و ماندی بوونەكا زۆر.
– نەبوونا ئارەزوویا خوارنێ یان گەلەك خوارن.
– هەستكرن ب وەستیان و بەردەوام تۆرەییێ.
– ژ دەستدانا ئارامیێ و سەر ئێشان و ئازارێن گشتی.
هندەك چارەسەری بۆ كێمكرنا فشارێن لسەر خۆ هەنە ئەو ژی پێنگاڤا ئێكێ ئەوە دڤێت بزانن كو فشار لسەر مە هەیە و پاشی بریارا گهۆرینا ژیانا خۆ بدەن و كۆنترولێ لسەر هەستێن خۆ بكەین ،هەروەسا دڤێت رێكخستنەكێ دناڤبەرا لایەنێ خۆ یێن دەروونی و جڤاكی و ساخلەمیێ دا چێ بكەین،دیسان ئەنجامدنا چالاكێن وەرزشێ رۆژانە دبتە ئەگەرێ كێمكرنا فشارێ،و هەلبژارتنا خوارنێن ب مفا بۆ نموونە زەرزەواتی،دیسان دروستكرنا پەیوەندیێن جڤاكی و سەرەدانا كەس و كارێن خۆ و هەڤالێن خۆ،هەروەسا لدەمێ كاری دڤێت بێنڤەدان هەبت بۆ سەیران و گەریانا.
تُتاح هذه الصورة أيضا في: کوردی