چەند خال بۆ ب هێزكرنا پەیوەندیا دناڤبەرا ژن و مێران دا
عزەت برۆ
یە فەرە بۆ ژیانەكا بەختەوەر و چارەسەریا ئاریشێن دناڤبەرا ژن و مێراندا هندەك رێنما ل نك هەڤژینان هەبن داكو ژیانا هەڤژینیێ یا دوور بت ژ ئاریشان، ئەڤە ژی چەند خالەكێن گرنگن ژبۆ پاراستنا ژیانا هەڤژینیێ:
1- لێبورین،ل شاشیێن ئێكودوو ببۆرن نابت ژبەر هەر شاشیەكا بچووك شەری بكن و ئاریشێن مەزن دناڤبەرا ئێكودوو دا پەیداكن.
2- دەمێ ئێك ژ وە شاشیەكێ دكت پێتڤیە دانپێدانێ ب شاشیا خۆ بكت، و ب جوانی داخوازا لێبۆرینێ بكت و یە فەرە كەسێ بەرامبەر ژی لێبۆرینێ قەبوول بكت.
3- چ جاران دلخرابیێ ژ ئێكودوو نەكن ئەڤ چەندە دبتە ئەگەرێ ئاریشان دناڤبەرا ژن و مێراندا و هەروەسا خۆ ژ خیانەتا هەڤژینیێ دوور بكن.
4- دەمێ زەلام ژ كاری دزڤرتە مالێ پێتڤیە ئافرەت ب چەند ئاخفتنێن خۆش پێشوازیا وی بكت و نابت ئافرەت ئێكسەر دەست ب داخوازیان و گازندان بكت،چونكە یێ وەستیایی یە.
5- ل دەمێ زەلام دچتە كاری ئافرەت لمال دمینت پێتڤیە زەلام رۆژانە پرسیارا حالێ ئافرەتێ بكت،چنكو بەرپرسیارەتیا مالێ و خێزانێ دستۆیێ وێ دایە.
6- دەمێ كار نەبت دڤێت دەركەڤنە گەریانەكێ بۆ جیەكێ دلڤەكەر یان خوارنەكێ گەل ئێكودوو بخۆن ئەڤ چەندە ژی دبتە ئەگەرێ هندێ كو كەشێ خێزانێ بێتە گهۆرین.
7- دوور بكەڤن ژ وان كەسێن كو هوون دزانن دبنە ئەگەرێ نەخۆشی و ئاریشا و تێكچوونا پەیوەندیێن خێزانی.
8- پشتەڤانیا ئێكودوو بكن بۆ كارێن باش و گوه ل ئاخفتنێن ئێكودوو بگرن.
تُتاح هذه الصورة أيضا في: کوردی