سەرھاتی یا عنتەری و بابێ وی د حسابا ئێزدیان دا گرنگیا خۆ ھەیە بۆ سەقایی و زڤستانێ
مههدى حهسهن
ل چاردەیی مەھا سباتا رۆژھەلاتی وەرزێ زڤستانێ ب دوماھیك دھێت و دبتە وەرزێ بەھارێ ل ٢/٢٧ی زاینیی ، ژ بەر كو مەھا سباتێ نیڤەك زڤستانە و نیڤەك بەھارە، عنتەر رۆژەكێ ژ مال دەركەفت دنیا گەرم بو رۆژەكا گەلەك خۆش بۆ دنیا گەلەك یە گەرم بو بەرێ خۆ دا دەشتێ و گەریانەك ل ئاقارێ گوندێ كر، دیت تەیر و تەوال یێ پوش و پالی خرڤەدكەن و تەیرەكی بناڤێ (تیتی) ھێلینا خۆ یا دروست كری و ھیكێن كرین ، عنتەری ژی وەسا ھزر كر زڤستان خلاس بو مادەم ( باڵندە) تەیرا هیك كرینە ، رابو ھاتە مال و دگەل بابێ خۆ ئاخفی، گۆتێ باب سەباھی دێ پەزێ خۆ بەین زوزانا و دێ رابین كاروبارێ خۆ كەین بابێ عەنتەری گوتێ كورێ من ھێشتە رۆژەك زڤستان یامایی بلا سوباھی ژی دەرباز بیت بخێر كارو و بارێ خو بكە و ھەرە ، بەلێ فایدە نەكر عنتەری گۆتە بابێ خو رۆژەك و شەفەك یێت ماین خو دنیا خراب نابت سوباھی دێ پەزێ خۆ بەین ودێ چین، ھندی بابێ وی گۆتێ كوڕێ من دا زفستان خلاس بیت ئەڤ رۆژ و شەف گەلەكن ل حسابا زڤستانێ یەعنی سالەك و زەمان یێت ماین فایدە نەكر ، ل ھێڤارا ١٣ی سباتێ ھێشتە رۆژەك مای زڤستان یەعنی ل (٢/٢٦)عنتەری گۆتە بابێ خۆ دڤێت ب رێبكەڤین ئەو فەرمان ل بابێ خۆ كر تەرش و تەوالێ ھەمی خرڤەكرن و خۆ حازركرن، سبەیكێ زو دانە رێ ژ گۆتنا بتر ژ دەھ كەریێن پەزی ھەبوون و چەندین دەوار و مەھین وئاژەلێن دیتر ھەبون، سبەیكێ ھەمی بكار كرن و بەرێ خو دان زوزانا بو كوچەریی چیراندنا پەزێ خو و ب رێكەتن، ب شەڤ سەقا ھاتە گھورێن و بەفرۆ و بارانێ لێكر و تەنگاف بوون سەقا ساربو و بەفرەكا زۆر ھات ورێكا وان ھاتە گرتن و تەرش و تەوالێ وان كەتە بن بەفرێ ھەتا بەرێ سبەیكێ ھەمی ئاژەلێ وان دناڤ بەفرێ دا مرن، ژ نەچاری زگێ دەوارێن خۆ كەلاشتن و خو دناڤ زگێ حێشترا دا پاراستن بس دا گیانێ خۆ ب پارێزن، لێ عنتەری ڕمەك ل بەر خو چقاند و زەنگلەك ب سەرێ رمێ ڤە دانا دا تشتەكی ژ رەوشا سەقایی ب زانت ، دبێژن ھەتا بەرێ سپێدێ ھەفت جارا بەفر باری و د بۆ ساھی دەمێ بەفر دباری زەنگل نەدھژیا و دەنگ ژێ نەدھات دەمێ بەفرێ بەتال د كر دەنگێ زەنگلێ د ھات عنتەری زانی چەند جارا بەفر ھاتیە و چەند جارا بیە ساھی ، بەرێ سبەیكێ رۆژا ئێكێ ژ بەھارێ بەفر و باران سەكنی و رۆژھەلات وڤەگەریان مال دەست خالی بەس مرۆڤ د ساخبون و تەرش و تەوالێ وان ھەمی مرن، دەمێ نێزیكی مال بین و گەھشتین ئاقارێ گوندی گۆتن دا ئەم بچین بەرێ خۆ ب دەین وی تەیری و ھێلینا وی كا چی ب سەرێ وان ھاتیە، جون دیتن تەیرێ (تیتێ )ل ناڤ ھێلینا خو یێ رەق بی و مریا ، ئەفجار عنتەری گۆتێ (تیتكێ تیتانە تە مالا خو خرابكر و مالا من ل جەم یا خودانی) و ھاتن مال ب دلەكی پر خەم و كۆڤان عنتەری دوو ژن ھەبون ئێك كچ مام بو و ئێك یە بیانی بو ھەر دوو ھەڤژینێن عەنتەری دلشۆزی و خەمخوریا خو دەربڕین و ئێكێ بتر یا دی خو دا پێش كو دلێ وێ بتر ب عەنتەری ڤە بو ، عنتەری پرسیارەك ژ ھەڤژینێن خو كر گوتا وان دلێ كێژ ژوە ب مەڤە بۆ ئەز دزانم، كیژ وە دزانت جەند جارا بەفر ھاتیە و چەند جارا بیە ساھی ؟ ژنا بیانی گۆت بخودێ ئەز نزانم چەند جارا بەفر ھاتیە بەلێ تشتێ ئەز دزانم بەفر ھەوە ژ ھێڤاری ھەتا سپێدێ د ھێت، دوتماما عنتەری گۆت پسمام ئەز نەرازایمە ھەتا بەرێ سبەیكێ ھەفت جارا شەڤێدی بیە ساھی و ھەفت جارا بەفر ھاتیە عنتەری گۆت دۆتمام راست بێژی ، ئەڤ جار ھەتا نھا د حسابا مەدا دبێژن ھەتا رۆژك زڤستان مایە دڤیا عنتەری ل بیرا خو بینن و حسابا زڤستانێ ب كەن ، لەوا ئەم دبێژین ھەتا مەھا رەش ل ناڤ مەھانە نەچە كوچەری وزوزانا .
تُتاح هذه الصورة أيضا في: کوردی