پارتی هێز و شیان و سەربۆر!
دلڤين خهلهف
سەربۆریا سەرکردایەتیا پارتی و سیاسەتا حەکیمانە جەنابێ سەرۆک بارزانی و درێژیا خەباتا سالەها سال شاگردێن رێبازا پیرۆز زامنێ هەبوونا کوردستانەکا ب هێز و ئیرادا پولایی یا مللەتەکی ژیرو زانایە ل ڤێ قوناغا نازک و هەستیار دە.
پارتی وەک قوتابخانەکا پڕی زانین و زانست سەرەدەریێ دگەل کەتوارێ وەلاتێ خۆ و دەڤەرێ ب گشتی دا دکەت و بزانەبوون هەموو کێشە و ئاریشێن گەلێ خۆ چارەسەردکەت و هەر پێنگاڤەکا بەرو پێشڤە باڤێژیت دوو جار ب هوری هزروبیرێن خۆ تێ دا دکەت و هەموو هەولەکێ ژ بۆ گەهشتنەکا ئارام بەرەو ئارمانجێن خۆ یێن سەرەکی ددەت و هەردەم بزاڤێ ژبۆ پێکگەهشتن و ئێکرێزیا ناڤ مالا کوردی دکەت.
ئەڤە ژبەر کو پارتی هەر ژ دەستپێکا دامەزراندنا خۆ ژ بۆ گەهشتنا مافێ مللەتێ خۆ رۆبارێن خوینێ رژاندینە و کرینە قوربانی خاکێ پیرۆز و لسەر گیانەکی دلسۆزیێ ژبۆ رزگاریا مللەتێ کورد ئاڤا بوویە و بوەفاداری لسەر دەستێ سەرۆکەکی ژیرمەند و ئازا و بێ وێنە (بابێ رۆحی یێ نەتەوا گەلێ کورد بارزانیێ نەمر) پەروەردە بوویە و پێخەمەت هەبوونا وەلاتەکی سەربخۆ لسەر دەستێ سەرۆکەکی کاریزما وەکو جەنابێ سەرۆک بارزانی بەردەوامی دایە خەباتا خۆ و قوناغێن دژوار و پڕی زەحمەت تێپەراندینە و دەستکەفتێن مەزن پاراستینە و لسەر دروست بوونا حەز وڤیانەکا مەزن ژبۆ ئازادیا وەلاتی دروست بوویە و لسەر ڤێ چەندە ژی دیرۆک شاهدە.
پارتی دیموکراتی کوردستان خودان مێژۆيەکا دویر و درێژە و دهەموو بواران دە سیاسەتا وێ رۆن و ئاشکەرایە و ل درێژیا خەباتا خۆ شیایە ب هەزاران کادرێن پێشکەفتی و ژێهاتی دناڤ رێزێن دەزگەهێن خۆ یێن جۆرا و جۆر دە دروست بکەت و هەردەم شیانێن کادرێن پارتی لسەر ئاستێ بەرپرسیارەتیێ ل رێزبەندا بەری بوویە و هەلویستێ وی یێ نشتیمانی ل خانا شانازیێ دهێنە هەژمارتن.
بێگومان پێشکەفتن و ژیرمەندیا کادرێ دلسۆز یێ پارتی ژڤالاتیەکێ نەهاتیە بەلکو ئەنجامێن دیرۆکەکا پڕ ژ سەروەریی و وەفاداری بوویە پێخەمەت دۆزا گەلێ خۆ یێ رەوا، لەوما هەردەم وەکو ستێرەکا گەش تیرێژێن خەمخۆریا وی بێ راوەستان ل ئەسمانێ کوردستانێ رۆن دکەن و ژبۆ خزمەت و قوربانی دانا وەلاتێ خۆ یێ ئامادەبوویە و بەرانبەر هەر ئاستەنگیەکا ژبۆ گەلێ کورد پەیداببێ خودان هەلویستەکی نەتەوەیی مکوم بوویە و دەربارەی هەموو کاودانێن مەزن بسەر وەلاتێ مەدە هاتین خۆراگر و وەلات پارێزەکی بێ رکابەر بوویە.
ڵەوما ئەڤرۆ پارتی بوویە کەلهەکا پۆلایی و لبەرسنگێ هەموو دوژمنێن مللەتێ کورد ب هێزەکا موکوم راوەستایە و ئازادیا کوردستانێ کریە ئارمانج و پێنگاڤێن بلەز ژبۆ دەولەتبوونا کوردستانەکا سەربخۆ د هاڤێژێ کو هیڤی و ئۆمێدا هەر کوردەکی دلسۆز و خودان بیروباوەرە.
تُتاح هذه الصورة أيضا في: کوردی