ئهقلێ جیاواز وهك نشتهرگهریا ئالاڤێن چارهسهركرنێ
جوان عزهت:
مرۆڤ بوونهوهرهكه بهردهوام حهزا گهۆرین و یاخیبوونێ ههیه و د بنهرهتیا بوونا مرۆڤى دا جۆرهكێ جیاوازیێ ههیه، جیاوازى ئهو ساخلهتهیه یێ كو ههر مرۆڤهكى د سرۆشتێ خۆ دا رهنگهكێ جیاواز ههى و ل پهى وێ جێاوازیێ حهزا جوداكاریێ ژ بوونهوهرێن دى تر ههیه ئهم نابینه كهسێن جیاواز ئهگهر سیفهتێن جیاوازیێ دناڤ خۆ دا بكوژین و رههایێ د ناڤ خۆدا بهرجهسته بكهین، دیسان ئهم نابینه بوونهوهرێن ئهنتۆلۆژى و خۆ ناسكرى ژى ئهگهر ئهم جیاوازیێ دناڤبهرا خۆ و یێ دى دا قهبوول نهكهین، یێ دى ههردهم ئهو كهسه بوویه ئهوێ كو جاران زِالیهتییا سیفهتێن بێ بوونیێ ب مه بهخشى.
دهمێ مرۆڤ دناڤ ساخلهتێ خۆ یێ رهگهزگهراییێ و كهلتۆرێ خۆ یێ زالبوون و سهردهستیێ دهربازبوو وى دهمى مرۆڤ دبته ئهو كارێكتهره ئهوێ كو دناڤ خۆ دا ساخلهتێ خوهیهتى/ بوون ب خوهیهتیێ دئینته بهرههم،كێشهیا رههابوونێ، كێشهیهكا دیرۆكى و درێژهكێشانا خهباتا بهردهواما كلتۆرێ خۆ زالبوون و سهردهستیێ بوویه ئهڤێ كێشهیێ ههر ژ دهستپێكا بوونا مرۆڤى ژ قابیل و هابیلى دهست پێ كریه و بهردهوامى دایه تهڤنێ خۆ و دگهل بۆرینا قۆناغ و زهمهنێن ئهفسانهیى و شهرێن دهستههلاتداریێن جڤاكێن كو ههبووینه ههولدان ل سهر بیروباوهرێن مرۆڤایهتیێ جۆرهك ژ جۆرێن رهها كرنێ ل سهر بوونا تاكى/مرۆڤى،جڤاك و مللهتى ب سهپینین،نهمازه د كهڤن دا ئهو ئهفسانهیێن كو ههبوونا شهرى ل سهر جیاوازیا رهگهزى/ نێر و مێ بهردهوام كریه پشتى ههتا قۆناغێن ئۆلان ژى سهردهست بووین قۆناغهكا دى یا نوونهراتیێ سهرهلدا،ئهو ژى قۆناغا گهشهپێدانا بنگههێ چین و بزاڤا كۆمهلایهتى ب شێوهیهكى نهرێنى ئهڤێ رههاكرنێ تێكستهك ژ تێكستێن (ئهگهر توو ب بیروباوهر و هزر وهك من نهبى، ئهز دژى تهمه) پرسیار ئهوه بۆچى ئهگهر ئهز وهك ته نهبم و توو وهك من نهبى، دژایهتى ههلویست بت؟ یان ئهگهر ئهز وهك ته هزر نهكهم، توو دژى بیركرنا من بى؟ ئهڤ پرسیاره خۆ د كێشنه دناڤ ناڤهرۆك و مهلبهندێ بیاڤێ فهلسهفێ ،ژبهركو فهلسهفه ئهو زانسته بوویه یا كو ههردهم ل پهى پرسیار و لێگهریانیێن (ووجودى/ بوونگهرایى)گهریایى و ههولداى بهرسڤێن ژیانێ د گهلهك رهنگ و پرێن جیاوازیێ دا قهبوول بكهت.
ژبلى ڤێ چهندێ ئهڤ شهرێن كو ل ژێر ههژموونگهریا رههایێ دهست پێ كرین درێژى دا قۆناغێن نوویخوازى و پێش نوو خوازیێ ژى نهمازه دهمێ مرۆڤ هزر د قۆناغێن سهردهمێ نازیزما دروستبوونا پارتا(هیتلهر)ى دكهت،ئهڤ قۆناغه خۆ ب سهردهمێ نیشتمان پهرهستهكا رهها ئیفاده دكت ب تایبهتى پشتى جهنگێ جیهانى یێ دووێ دیاردبت، كو كودهتاكرن ل سهر بیروباوهریێن جهماوهرێ نازى/ جێرمهنى،كودهتاكرنه ل سهر بیروباوهریێن رههاییكرنێ، ئانكو رههابوون ب بهرجهستهبوونا سیفهتێن فاشیزمێ و ژناڤبرن و نههێلان ب سیفهتێن مرۆڤى و مرۆڤایهتى رهنگێ خۆ بهر ددهت ژ بلى كو ئهڤێ چهندێ رههێن خۆ بهرداینه د ناڤ جڤاكێن بیانى،نائێته وێ رامانێ كو جڤاكێن رۆژههلاتا ناڤین ژى ژ ڤێ چهندێ دوور و زربار بن،بۆ نموونه ژى دروستكرنا دیوارێ رژێمێ د ناڤبهرا هێلا (كورد و عهرهبان) دا بوو قۆناغهكا چێكرن و ڤهگوهازتنا دیزانێ هزرا عهرهبى دناڤ هزرا كورد دا و گهلهك نموونهیێن دى ژى ههبووینه و بووینه ئهنجامێ چێكرنا وى دیكورێ نههێلانا بزاڤێن شارستانیهتێ دناڤبهرا مرۆڤ و كلتۆران دا.
س.س
تُتاح هذه الصورة أيضا في: کوردی