رزگاربوویێن ئێزدى دێ مووچهیهكێ ههیڤانه وهرگرن
تۆرا لالش یا راگههاندنێ /سفیان سلو
رێڤهبهرا رێڤهبهریا گشتى یا كارووبارێن رزگاربوویان ل مووسلێ ئاشكهراكر كو مالپهرهكێ تایبهت بۆ رزگاربوویێن ئێزدى ژ دهستێ داعش هاتیه ڤهكرن و دكارن پێشكێش بكن،پاشى كهسێن مهرجێن یاسایا رزگاربوویان ژێ بگرت،مووچهیهكێ ههیڤانه دێ وهرگرن.
سراب ئلیاس، رێڤهبهرا رێڤهبهریا گشتى یا كارووبارێن رزگاربوویان ل مووسلێ بۆ دهنگێ لالش گۆت:رێڤهبهریا وان دگهل وهزارهتا كاروبارێن كۆمهلایهتى مالپهرهكێ تایبهت بۆ رزگاربوویێن ژ دهستێ داعش ڤهكریه و دنهۆ دا ههموو رزگاربووى دكارن پێشكێش بكن و مالپهر نائێته گرتن دێ ڤهكرى مینت،لدووڤدا دێ پێداچۆنێ د وان ههموو فۆرمێن هاتینه پێشكێشكرن دا كهن،كو دێ پێشكێشى وێ لیژنێ كهین ئهوا هاتیه پێكئینان ب سهرۆكاتیا دادوهرهكى كو كارێ لیژنێ ژى وان كهسێن پێشكێشكرى دهست نیشان بكت ئهوێن مهرجێن یاسایا رزگاربوویێن ئێزدى ژێ دگرت ئهوا ل سالا 2021 ژلایێ پهرلهمانێ عێراقێ ڤه هاتیه دهركرن و پاشان دێ موچهیهكێ ههیڤانه بۆ وان ههموو رزگاربوویێن دهستێ داعش یێن ئێزدى و نهتهوهیێن دیتر ژى ئێته دابینكرن.
ئاشكهراكر ژى ههر رزگاربوویهكا بهلگهنامه نهبن ئهوان لیژنهكا تایبهت بۆ ڤێ چهندێ ههیه و ب ههماههنگى دگهل وهزارهتا نافخۆ بهلگهنامهیێن وان رزگاربوویان دهردئێخن،ژبۆ هندێ ههموو بكارن پێشكێش بكن و مافێن خۆ وهربگرن،ههروهسا دوو لیژنێن دى ژى ههنه كو ئێك ژ وان ب ههماههنگى دگهل وهزارهتا خووندنا بلند و پهروهردێ بۆ هندێ ئهو رزگاربوویێن حهزا تهمامكرنا خووندنێ ههى ل كورسیێن قوتابخانێ ڤهگهرینن و خووندنا خۆ تهمام بكن، لیژنا دن ژى دگهل وهزارهتا ساخلهمیێ یه كو ئهو رزگاربوویێن پێتڤى ب نشتهگهریان ههى چارهساریا وان بێته كرن و دهرمانێن وان ژى بێنه دابینكرن.
رێڤهبهرا رێڤهبهریا گشتى یا كارووبارێن رزگاربوویان دیاركر،داخواز دكهین كو بتر هاریكارى و ههماههنگى دناڤبهرا رێڤهبهریێ و وهزارهتێن شۆلهژێ دا ههبت ژلایهكى ڤه ،ژلایهكێ دى ڤه ژى دگهل ههرێما كوردستانێ و كهمپان ژبهركو گهلهك رزگاربووى ل كهمپان دا دژین داكو بكارن بتر خزمهتا رزگاربوویان ل سهر ئاستێ رێكخراوێن جڤاكا سڤیل و ههموو بیاڤێن دیتر ژى بكن.
س.س
تُتاح هذه الصورة أيضا في: کوردی