ب سهدان پێشمهرگهیێن ئێزدى دشۆرهشا ئهیلولێ دا شههید و برینداربووینه
تۆرا لالش یا راگههاندنێ /سلێمان عهمهر سهعدۆ:
ئێزدیان وهكى ههموو ئایینێن دیتر پشكدارى دشۆرهشا ئهیلولێ و ههموو شۆرهشێن كوردى دا كریه
زهینهل عهلى عومهر:ئێزدى پشكهكن ژ ههرێما كوردستانێ و بهرهڤانى ژ ئاخا وهلاتێ خۆ كرینه و قوربانى داینه
خهلیل سلێمان خهلیل:حكومهتا عێراقێ یا وى سهردهمى ههموو بزاڤ دكرن شێخان بكهته ئارمانج
ل رێككهفتى11/9/1962چریسكا ئاگرێ شۆرهشا ئهیلۆلا مهزن ب سهركردایهتیا پارتى دیموكراتى كوردستان و رابهراتیا جهنابێ بارزانیێ نهمر دژى رژێما گۆڕ ب گۆڕ یا عێراقێ هاته ههلكرن و شۆرهش بهرپا بوویه و برێڤه چوویه و سهركهفتن لدووڤ سهركهفتنێ تۆمار كرینه،دناڤ ڤێ شۆرهشێ دا نهتهوه و ئایینێن جۆرا و جۆر ههبووینه و ههموویان پێكڤه خۆ ب خودانێ شۆرهشێ زانى یه،ئێزدیان ژى وهكى ههموو ئایینێن دیتر پشكدارى دناڤ شۆرهشا ئهیلولێ دا كریه و ب سهدههان شههید و بریندار داینه و گوند و جیێن پیرۆز یێن ئێزدیان ژلایێ حكومهتا عێراقێ یا ژناڤچۆیى ڤه هاتینه خرابكرن.
راپۆرت:دلگهش نهواف
ل دۆر رۆلێ ئێزدیان دناڤا شۆرهشا ئهیلولێ دا،سلێمان عهمهر سهعدۆ ئێك ژ پێشمهرگهیێن ئێزدى یێن شۆرهشا ئهیلولێ،بۆ دهنگێ لالش دیاركر،ئهگهر بهرێ خۆ بدهینه لاپهرێن دیرۆكا نهتهوا كورد دێ دناڤدا بینى ئێزدیان ب درێژاهیا دیرۆكێ دهردهسهرى و رۆژێن سهخت و دژوار بۆراندینه و پشكدارى د شۆرهش و داستان و شهران دا كرینه ژ پێخهمهت پاراستنا ئاخ و نهتهوه و كهلتۆر و ئایینێ خۆ، شۆرهشا ئهیلولێ ئێك ژ شۆرهشێن ههره مهزنێن مللهتێ كورده و ئێزدیان ژى وهكى ههموو ئایینێن دیتر پشكدارى دناڤ شۆرهشا ئهیلولێ و ههموو شۆرهشێن كوردى دا كریه و چهندین داستان تۆماركرینه،ههروهسا چهندین گوندێن ئێزدیان ژلایێ حكومهتا رژێما گۆڕ ب گۆڕ یا عێراقێ ڤه هاتینه سۆتن و كاڤلكرن،دهمێ لهشكهرێ عێراقێ ب هێزهكا مهزن بهرهف گوندێ خۆرزا و كهرساڤا هاتین خهلكێ ئهڤان گوندان دهست ژ دوژمن ره نهدانان لهشكهرێ عێراقێ شكاندن و سێ كهس شههیدبوون،ئهڤ چهنده نهخۆشیهكا ب زهحمهت بوو بۆ وى سهردهمى نهوهكى نۆكه بوو ژیان هنگى یا ب زهحمهت بوو،لێ ههر ئێزدى ب خۆبهخشى د چۆنه دناڤ رێزێن پێشمهرگهى دا و گهلهك جاران وان بخۆ چهك دكرین،دهڤهرا خۆزرا و كهرساڤا چهندین شههید ل سهردهمێ شۆرهشا ئهیلولێ داینه و پێشمهرگهیێن شۆرهشا ئهیلولێ ههینه و ل سهر وێ خزمهت و خهباتا وان كرى مافێ وان هاتیه بهرزهكرن.
زهینهل عهلى عومهر،ئێك ژ پێشمهرگهیێن دى یێن ئێزدى یێن شۆرهشا ئهیلولێ یه،بۆ دهنگێ لالش دبێژت:مللهتێ ئێزدى پشكهكن ژ ههرێما كوردستانێ لهورا ههرێما كوردستانێ ب وهلاتێ خۆ داناینه و چۆینه دناڤ رێزێن پێشمهرگهى دا و بهرهڤانى ژ ئاخا وهلاتێ خۆ كرینه و قوربانى داینه،شۆرهشا ئهیلولێ ئێك ژ دهستكهفتێن مللهتێ كورده بهرههمێ وێ ئازادیا نۆكهیه یا ئهم تێدا دژین ههر ژ دهستپێكا شۆرهشا ئهیلولێ ئێزدى ژ دهڤهرا شنگالێ و ههوێریا و بنكهند و وهلات شێخ چۆینه دناڤ شۆرهشێ دا و ب سهدههان و شههید و بریندار داینه و گوند و جیێن پیرۆز یێن ئێزدیان ژلایێ حكومهتا عێراقێ یا ژناڤچۆیى ڤه هاتینه خرابكرن،من پشكدارى د چهندین شهران دا كریه ل سنوورێ قهزا شێخان و ناحیا ئهلقووش و بهرهیێ گاره و ههموو جورێن نهخۆشیان دیتینه ژبلى نهخۆشیێن ب سهرێ خێزانێن مهدا هاتین هندهك جارا شهش ههیڤان مه خێزانێن خۆ نهددیتن،ل سنوورێ پارێزگهها دهۆكێ زۆربهیا گوندێن هاتینه خرابكرن نهۆ یێن هاتینه ئاڤاكرن تنێ هندهك گوندێن ئێزدیان نهبن ،داخوازیا مه ئهوه گوندێن مه بێنه ئاڤاكرن داكو بزڤرنه سهر گوندێن خۆ ڤه.
خهلیل سلێمان خهلیل،ئهو ژى پێشمهرگهیهكێ شۆرهشا ئهیلولێ یه،بۆ دهنگێ لالش گۆت:شێخان جیهكێ تایبهتمهند بوو ژبۆ شۆرهشا ئهیلولێ،ژبهركو زۆربهیا ئێزدیێن سنوورێ قهزا شێخان دناڤ شۆرهشا ئهیلولێ دابوون و حكومهتا عێراقێ یا وى سهردهمى ههموو دهما ههول ددا شێخان بكهته ئارمانج ب مهرهما ژناڤبرنا رێكخستنا پارتى ل سنوورێ دهڤهرێ،ل سالا 1962دهمێ شۆرهشێ دهستپێكرى چهندین ئهندامێن لژنا خهبات هاتنه دهستهسهركرن ژلایێ حكومهتا عێراقێ یا وى سهردهمى ڤه یێن چۆینه دناڤ شۆرهشێ دا پشتى دوو ههیڤان من دگهل چهند ههڤالێن خۆ رێكخراوهك دروست كر،ئهز بهرپرسێ وێ بووم ههتا سالا 1963پاشى ژلایێ حكومهتا عێراقێ ڤه هاتمه گرتن رهوانهى زیندانا مووسلێ كرم،پشتى سێ مههان هاتمه ئازادكرن و بریار دان كو دناڤ شێخان دا نهمینم ههرمه گوندهكى لێ ههر بهردهوام بووم ل سهر رێبازا بارزانیێ نهمر،پشتى رێكخراوا مه بهرفرههـ بووى مه كرنه دوو رێكخراو پشتى بهیاننامها 11ى ئادارا 1970مه خهلكێ شێخان هایدار كر بێنه سهر جادهیان خۆپیشاندانێ بكن و دگۆتن (یازدهى ئادارێ پێشمهرگه هاتنه خوارێ برنۆ رهقهم ههڤدهیه نیشانا پێشمهرگهیه)،ههتا بوویه جهژنا نهورۆزێ خهلكێ شێخان ههموو ل بنیا گرێ شێخالێ شهمسا كۆمبوون و ئاگرێ نهورۆزێ ههلكر مه شانۆگهریا كاوایێ ئاسنگهر نیشان دا ل شێخان،پاشى بوومه كادرێ پارتى ل ناحیا باشیكێ ل رۆژا 11 مهها چریا دووێ سالا 1971شهر دناڤبهرا هێزێن پێشمهرگهى و حكومهتا عێراقێ دا دروست بوو،بتر ژ 15دهمژمێرا شهر بهردهوام بوو پاشى فازل میرانى بریار دا باشیكێ بجهـ بهێلن ،ژبهركو هێزهكا مهزن ژ مووسلێ بهرهف باشیكێ دهاتن و ب چهكێ گران دگهل رێكخستیێن بهعسیان ل دهوروبهرێن باشیكێ یێن هاتینه بنهجهـكرن،ئهم دهمژمێر12 شهڤێ ژ باشیكێ دهركهفتین بهرهف گوندێ گودار چۆین خهلكێ گوندى پێشوازى ل مه كر ئاڤ و خوارن بۆ مه ئینان پاشى مه كهسهك هنارته جهم حهسۆ میرخان وى هێزا خۆ هنارت ژبۆ رزگاركرنا مه ئهم دگهل چۆینه شێخان پشتى ماوهیهكى لژنهك ژ بهغدایێ هات و داخوازكرن ههر نۆزده كهس دانپێدانێن خۆ بدهن پاشى دێ ئێنه ئازادكرن و مه خۆ رادهست كر 7كهسان ژ مه دانپێدان كر،پاشى دهنگوباس بۆ مه هاتن بهرپرسێ لژنێ عێراق بجێهێلا و بهرهف سووریا چۆ پاشى ئهم بهرهف زیندانهكا بن ئهرد برین ڤهگوهاستینه دادگهها بهغدایێ و دادگههێ دهستپێكێ بریارا سێدارهدانێ بۆ مه دهركر،پاشى ئهو بریار هاته ههلوهشاندن و ب كوژمهكێ دراڤى ئهم سزا داین و ڤهگوهاستینه شێخان پشتى سێ مههان پێنچ كهس ئازادكرن و یێن دى دوو سالان زیندانكرن.
س.س
تُتاح هذه الصورة أيضا في: کوردی