هەلبژارتنا سەرۆك كۆمارێ عێراقێ یێ نوو
خالد خدر
پشتی سالەكێ ژ كێش و ڤەكێشا سیاسی ل عێراقێ،ل رۆژا13/10/2022 سەرۆكێ نوو یێ كۆمارا عێراقێ،(لەتیف رەشید)هاتە هەلبژارتن ژلایێ ئەندامێن پەرلەمانێ عێراقێ ڤە،ب پتریا دەنگان ل همبەر هەڤڕكێ خۆ ل سەر سەرۆكاتیا كۆمارێ(بەرهەم سالح )،بڤێ چەندێ وەلات ژڤێ بۆشایا ئەڤە ماوێ سالەكێ كەفتیێ رزگار بوو،بارودۆخێن سیاسی و ئابووری و كۆمەلایەتی و یێن پێڤە گرێدایی ل عێراقێ هەر وەكو خۆ مینن،قەیرانێن بەریا نۆكە دگەل پرۆسا دیموكراسیێ هەر دێ مینن وقورسە بێنە چارەكرن و هەر دێ دبەردەوام بن وەك دۆزێن سەرەكی.
هەلبژارتنا سەرۆك كۆمارێ عێراقێ یێ نوو،داوی خالە بۆ وەرگرتنا پۆستێ سەرۆك وەزیرێ عێراقێ ،كو هەلبژارتنا سەرۆك وەزیر ژ هەڤپەیمانیا چارچووڤێ شیعی نوونەرێ ڕەوا یێ رژێما ئیرانێ ل بەغدا،بابەتێ وی هاتە ئێك ئالیكرن ، كو سەرۆك كۆمارێ نوو ( محەمەد شیاع ئەلسوودانی ) راسپارد بۆ وەرگرتنا پۆستێ سەرۆكاتیا وەزیران ل بەغدا،كو تێتە گۆتن ناڤهاتی دەست ژكاری كێشایە ژ پارتیا دەعوە یا شیعی وەك مانۆرەكا سیاسی تەكیكی داكو بێتە دەست نیشانكرن وەك سەرۆك وەزیر،هەژی ئاماژە پێكرنێ یە كو سوودانی نكارە بەرنامەكی حكومی پێشكێش بكەت بێی رازیبوونا وی ئالیێ دەست نیشانكری ب پۆستێ سەرۆك وەزیرێن عێراقێ ،ئەڤە وێ چەندێ دگەهینت كو بارودۆخێن سیاسی و ئابووری ل عێراقێ زڤرنە ڤە بۆ چار گۆشێ بەرێ ،كو ئەو چەندا سوودانی ڕاگەهاندی ل گۆتارا خۆدا ئەو دێ كاركەت هەر دەمژمێرا ئێكێ ژ راسپاردنا وی ،لگۆر بەرنامەكی حكومی یێ رێكخستی و رێكوپێك بۆ چاكسازیا سیاسی و ئیداری ل وەلاتی وسۆز دا دێ كاركەت ژبۆ نەهێلانا گەندەلیێ و دێ هەولدەت ژبۆ هەلبژارتنا ل سەقایەكی پاك وئازاد دا ل چارچووڤێ سیستەمەكێ هەلبژارتنێن زەلال دا وەك دایی خوویاكرن و كاركرن ل سەر بادەكێن هەژاریێ و خزمەتگۆزاریان و بێكاریێ و باشكرنا كەرتێ ساخلەمیێ و فێركرنێ,هەر وەك هەموو سەرۆك وەزیرێن دی یێن بەری وی دگۆتن د بەرنامێن خۆدا،بێی كو مللەت هیچ تشتەكی ژ وان هەموویان ببینت تا رۆژا ئیرۆ ژی.
ل ڤێدەرێ پسیارەك خۆ دسەپینت گەلۆ ؟ گەلێ عێراقێ ب هەموو پێكهاتەیێن خۆڤە چ ما ژ ڤان هەلبژارتنێن بۆری هەموویان دیتینە تانۆكە،یان چ سەركەتن ژێ دیتینە،حكومەت لپێ حكومەتێ گەندەلی گەهشتیە گۆپیتكێ،هەژاری و بێكاری زێدەتر بووینە،تائیفەگەری بەربەلاڤتر بوویە،بڕینا قوتێ گەلێ كوردستانێ و بوودجا هەرێما كوردستانێ بۆ چەندین سالا،هێشا 16ی ئوكتۆبەرا سالا 2017 ل سەر دەڤەرێن كوردستانێ ب تایبەتی كەركووك و دەڤەرێن دی ژلایێ گرۆپێن حەشدا شەعبی ڤە لبن سیبەرا حكومەتا عێراقێ ب سەرۆكایەتیا حەیدەر عەبادی كو رەشترین و كێماسیترین بەرپەرە د مێژوویا عێراقا پشتی 2003ێ دا .
تُتاح هذه الصورة أيضا في: کوردی
