پاشەرۆژ و مافێن زارۆكێن شنگالێ بەرەف كووڤە؟
قاسو حهجى
3/8/2014 رۆژهكا رهشا د ديرۆكێ دا چنكو د وێ رۆژێ دا خهلكێ شنگالێ هاته كۆمكووژكرن، لدووڤ ئامارا رێڤەبەریا كاروبارێن ئێزدیان زارۆكێن كەفتینە د دەستێ تیرورستێن داعشده زێدەترى 2745 زارۆكانە و ژڤێ ھژمارێ نزیكی 1785 زارۆك ھاتینە رزگاركرین و ئەڤێن دی ھێشتا چارەنڤیسێ وان نەیێ دیارە،دڤێت (یو ئێن) دگەل ھەرێما كوردستاێ ھاریكاریا زارۆكێن شنگالێ بكەت داكو ئەو ژی وەكی ھەر زارۆكەكێ دی ب ژیانا خوە خوش ببن و پاشەرۆژا وان بەرزە نەمینت و وەك مافێن وان یێن خواندنێ و ھەر وەك ئاماژە پێھاتیەدان گرنگى پێ بهێتهدان،تیرۆرستێن داعش ب ھهزاران زارۆكێن ئێزدی گرتن و ئێخسیركرن دەمێ ب سەر شنگالێ و دەڤەرێن دیدا گرتین و فێری كارێن توندرەویێ كرینە و فێری بكارئينانا چەكی كرینە و ژ ئەگەرێ پەروەردەیا تيرۆرستێن داعشێ زارۆكێن ئێزدی زمانێ دایكێ و زمانێ وەلاتێ خوە ژبیركرینە، لهوران پێتڤييه ل سەر رێكخراوێن نیڤ دەولەتی و ھەرێما كوردستانێ خوە ل ڤان زارۆكان بكەنە خودان ئەڤ زارۆك و ژن و كەچێن ئێزدی یێن ھێشتا د دەستێ داعشێ دا بێھنە رزگاركرن و ڤەگەراندن،دڤێت ژبیرنەكەین كو رەوشا نۆكە يا شنگال تێدا دەرباز دبت رەوشەكا زێدە خرابە و دڤێت رێكەفتنا دناڤبەرا ھەرێما كوردستانێ و حكومەتا ناڤەندی دا بھێتە جێبەجێكرن داكو خەلكێ شنگالێ و دەڤەرێن دی بكارن ڤەگەرنە سەر دەڤەرێن خوە و بكارن ژیانا خوە دەرباز بكەن.
تُتاح هذه الصورة أيضا في: کوردی