ئێزدیێن جۆرجیا بەر ب كێمبوونێ ڤەدچن
تۆرا لالش یا راگەهاندنێ
رێبەرێ شێورداریا جڤاتا رۆحانیا ئێزدیان ل جۆرجیا بۆ رۆژنامەیا ئەڤرۆ گۆت:”ژمارەیا ئێزدیێن جۆرجیا بەری هەلوەشاندنا ئێكەتیا سوفیەتێ ل گۆری سەرژمێریا ساڵا 1989 ێ نێزیكی 35000 هەزار ئێزدی ل جورجیا دژیان،لێ نها ل گۆری سەرژمێریا وەلاتێ جۆرجیا یا ساڵا 2014 ێ نها بتنێ 12174 مرۆڤێن ئێزدی ل جۆرجیا ماینە، نها ل ڤی دەمی بتنێ 8591 كەس ماینە”.
پیر دیما،رێبەرێ شێورداریا جڤاتا رۆحانیا ئێزدیان ل جۆرجیا بۆ رۆژنامەیا ئەڤرۆ خویاكر:” ژمارەیا هەر مەزن یا ئێزدیان ل جۆرجیا ل پایتەختێ تبلیسێ جۆرجیا دئاكنجینە و یێن دی ژی ل باژێرێن باتۆمێ و رۆستاڤێ دبەلاڤن”.
ژلایێ ئابووری ڤە ژی ناڤبری گۆت:”ژیانا ئابووری یا ئێزدیان پشتی هەلوەشاندنا ئێكەتیا سۆڤیەت رەوشا ئابووری و سیاسی گەلەگی خراپ بوو و گەلەگ ئێزدی كۆچبەر بوون و چۆنە رووسیا و ئەوروپا رۆژئاڤا و دەولەتێن دی تر ، و نها ژی رەوشا ئێزدیان وەكی یا تەمامی خەلكێ جۆرجیا بەردەوامە هندەك ب كارێ بازرگانیێ ڤە مژوولن و ب چەندین كارێن جۆرا وجۆر”.
پیری گۆت:” نها ل ڤێ گاڤێ بتنێ ئێك پەرستگەها ئێزدیان هەیە قوبا “سلتان ئێزیدۆ” ل پایتەختێ جۆرجیا ، ئەڤ قوبە ل ساڵا 2015 ێ هاتە ڤەكرن ب ئامادەبوونا هەموو دیندارێن ئێزدی و ئەندامێن جڤاتا رۆحانیا ئێزدیان ل تەڤایا جیهانێ” .
خویا ژی كر، ژلایێ سیاسی ڤە مە چ ئاریشە نینن و هەتا نها ژی چو ئاستەنگ نە هاتینە هەمبەری ئێزدیان و مە پەرلەمانتارەك هەبوو ل سەر لیستا دەستهەلادار ب ناڤێ”تاماز ئاڤدەلیان ” لێ كۆچا داویێ كر و گۆت: ئەم هیڤی دكەین پشتی هەلبژارتنێن ئیساڵان ئێزدی دەربازی پەرلەمانتۆیێ بن و وەك هەر وەڵاتەكی یاسایێن و دەستورێن جێواز ، جۆرجیا ژی ل وەلاتێ جۆرجیا سیستەمێ كۆتا بۆ كێم نەتەوە و ئایین و ئاینزایان نینە كو دەربازی پەرلەمانتۆیێ بن.
سەبارەت هاریكاریكریا حكومەتا جۆرجیا بوۆ كێمینا و ب تایبەت ئێزدیان ناڤهاتی گۆت:” هەتا جۆرجیا وەڵاتەكە كو ئاینێ ئێزدیان ب فەرمی قەبولكریە و ستاتۆیا ئاینێ مە وەك ستاتۆیا ئاینێ دەولەتێ دئێتە هەژمارتن ، و ل ساڵا 2011ێ مە رێكخستنا شێوەرداریا جڤاتا رۆحانیا ئێزدیان ل جۆرجیا دامەزراند و ئەڤە بەرپرساتیا ئاینێ ئێزدیان ل سەرانسەری جۆرجیایە و چ رێورەسم دەولەتێ هەبن ئۆلدارێن ئێزدیان كو ئەندامین ڤێ جڤاتا شێوەرداریێ نە پشكدار دبن و خۆ ب نوونەرێن وان دهەژمێرن و گۆت: حكومەت ژی هاریكاریا ئێزدیان دكت بۆ ئەردی كو مەزارگەهان ئاڤا بكەین.
تُتاح هذه الصورة أيضا في: کوردی