ئەلمانیا.. رەخنە ل سیاسەتا مێرکلێ ل ھەمبەر کۆچبەران ھاتنه گرتن
وار
سیاسەت مەدارێن پارتێن راسترەو و چەپ رەوێن ئەلمانیا ب دژواری سیاسەتا مێرکلێ ل ھەمبەر ھاتنا کۆچبەران بۆ وەلاتێ وان رەخنە کر.
ل گۆری ئاژانسا رۆیتەرز: بریارە ئەڤرۆ ئەنجێلا مێرکل، شیرەتکارا ئەلمانیا ژ بھێنڤەدانا داوییا حەفتیێ بزڤریت و کۆنگره‌یه‌کێ رۆژنامەڤانی لدۆر وان رەخنەیێن ل دژی وێ ھاتینە گۆتن، بگێریت.
سیاسەتمەدارێن پارتێن راسترەو و چەپ رەوێن ئەلمانیا گاڤێن مێرکلێ ل همبه‌ر هاتنا كۆچبه‌ران ب شاش ناڤکرن، دیاركرینه: پتر ژ ملیۆنەکا کۆچبەرێن سووری و ئەفغانی و ئیراقی ل وەلاتێن خوە ژ شەری رەڤینە، ھندەکێن دی ژی ھەلگرێن ھزرێن ئیسلامی یێن توندڕەون، ب وێ یەکێ ژی دەستێ تیرۆرێ ھاتە د ناڤ ئەلمانیا دا و کارێن تیرۆریستی دكه‌ن.
ئەڤە د دەمەکی دایە کو د رۆژێن بۆری دا ھێرشێن تیرۆریستی ل ئەلمانیا چێببوون و گەلەک وەلاتییێن وان گیانێن خوە ژ دەست دابوون.
تُتاح هذه الصورة أيضا في: کوردی