جڤاتا مووسلێ: زێدەتر ژ 10 بیرێن پترۆلێ ل گەیارە هاتینە سۆتن
باسنيۆز:
سەرۆكێ كوتلا برایەتیی و پێكڤە ژیانێ ل جڤاتا پارێزگەها مووسلێ، دیاركر ل دەڤەرا گەیارە تیرۆرستێن داعش دەهان بیرێن پترولی سووتن، هزارەها خانێن وەلاتیان پەقاندینە وێرانكرینە.
سەیدو چەتۆ، سەرۆكێ كوتلا برایەتیی و پێكڤە ژیانێ ل جڤاتا پارێزگەها مووسلێ، بۆ (باسنیوز) دیاركر ب كوژمێن زۆر مەزن دارایێ تیرۆرستێن داعش زیان گەهاندنە گەیارە تایبەتی بیرێن پترولی ل دەڤەرا گەیارە هەموو هاتێنە ویرانكرن وسووتن، تیرۆرستان سووتنا نەفتی بكارئیناینە بۆ خوە ڤەشارتنی ژ هیرشین هەڤپەیمانان لێ پلانا تیرۆرستان سەرنەگرت شكەستن ئێنان، شاندەكێ جڤاتا مووسلی سەرا گەیارە دان بۆ دیتنا بارودوخی و رەوشا گەیارە.
زێدەتر گۆت:” تیرۆرستان زۆر پترول ل سەر جادەیێن گەیارە بەلاڤكریە ل هندەك جادەیان ب چوو شیوەیەكی ژبەر پترولی رێ نەماینە یا چوویە دناڤ مالێن وەلاتاندا رەنگە ل پاشەرۆژی نەساخی ل گەیارە ژبەر دووگیلا پترولی بەلاڤ ببن، زۆر كارین دەرندانە تیرۆرستێن داعش ل گەیارە ئەنجامداینە هەموو دام ودەزگەهێن حوكمی ویرانكرینە ژێرخانەیا ئابۆری دەڤەری نەهێلایە دووڤ گوتینین خەلكی ماینە گەیارە دا تیرۆرستێن داعش گەلەك وەلاتی كوشتینە بیی سەروشینكرینە”.
تُتاح هذه الصورة أيضا في: کوردی