هەیڤا داهاتی فەیسبوکەکا نوی دێ هێتە ڤەکرن
ئێن ئارتى
هەیڤا داهاتی فەیسبوکەکا تایبەت بۆ کار و بازرگانان دێ هێتە ڤەکرن، پێدڤی یە بازرگان ژی بۆ بکارئانینا وێ فەیسبوکێ کرێیا هەیڤانە بدەن.
رۆژا چارشەمبیێ ١٨ێ ئەیلۆلا ٢٠١٦ێ، ژێدەرەێن تەکنەلوجی راگەهاندن، کۆمپانیا فەیسبوکێ دێ بەشەکێ تایبەت بۆ بازرگانان دکەت، بازرگان ژی ل شونا کرێیا هەیڤانە، لگۆری هژمارا کارمەندان کرێ ددەن.
بۆ ئێکەمجار ل سالا ٢٠١٤ێ بەحسێ بەشێ تایبەت یا فەیسبوکێ بۆ بازرگانان هاتە بەلاڤکرن، پاشان ژی ل سالا ٢٠١٥ێ ب ئاوایێ ئەزمونی بۆ چەند کۆمپانیان ڤەکر.
ژ وی دەمی ڤە هەیا نها گەشەپێدان و تاقیکرنا ڤێ تۆرێ بەردەوام بوویە، بۆ نمونە ١٠٠ هزار کارمەندن بانکا شاهانە یا سکۆتلەندا تۆرا تایبەتا فەیسبوکێ بۆ بازرگانان بکارتینن.
تۆرا تایبەتا فەیسبوکێ بۆ بازرگانان دێ بیتە هەڤرکیا چەند بەرهەمێن دی، وەکی خزمەتگۆزاریا یامەر کو بەرهەمەکێ کۆمپانیا مایکرۆسۆفتە یان ژی خزمەتگۆزاریا سەیڵزفۆرس.
هەڤدەم فەیسبوکێ بۆ بازرگانان تایبەتمەندیا دروستکرنا گروپێ تێدایە کو رێکێ ب پەیوەندیا دەنگ و ڤیدیۆیێ ددەت، ب ڤێ ئێکێ ژی دێ بیتە هەڤرکیەکا راستەوخو د بەرهەمێن سکایپ و سلاک دا.
تُتاح هذه الصورة أيضا في: کوردی