ماکگۆرک: ھەولێر و بەغدا دا ل دۆر رزگاركرنا مووسلێ رێككهفتینه
waar – دهوك :
ھنارتیێ سەرۆکێ ئەمریکا د ھەڤپەیمانییا ناڤدەولەتی یا دژی داعشێ دا راگەھاند؛ حکومەتا ئیراقێ دێ ژڤانێ دەستپێکرنا ئۆپەراسیۆنا مووسلێ دەستنیشان کەت، ھەموو بەرھەڤی ژی بۆ دەستپێکرنا ئۆپەراسیۆنێ ھاتینە کرن.
برێت ماکگۆرک، ھنارتیێ سەرۆکێ ئەمریکا د ھەڤپەیمانیا ناڤدەولەتی یا دژی داعشێ دا، گۆت؛ رێککەفتنا سیاسی د ناڤبەرا ھەولێرێ و بەغدایێ دا ل دۆر رزگارکرنا مووسلێ ھاتیە کرن، پێدڤیە رێکارێن زێدەتر ژی بۆ پاراستنا وەلاتیێن سڤیل بگرنە بەر، حکومەتا ئیراقێ ژی د ڤێت کونترۆل ل سەر ھەمی ھێزێن پشکدار ھەبیت.
ھنارتیێ ئۆبامای ئاشکرا ژی کر؛ ئەو دخوازن دوپات بکەن، ھەموو گرۆپێن چەکدار یێن پشکدار د شەرێ مووسلێ دا، ل ژێر کونترۆلا حکومەتا ئیراقێ بن بەری دەستپێکرنا ئۆپەراسیۆنێ، ئاماژی ژی دا؛ واشنتۆن د گەل ھەردو حکومەتێن ھەولێرێ و بەغدایێ و رێکخستنێن مرۆڤاتی کار دکەت، بۆ گرەنتیا پێشوازیا ئاوارەیان.
تُتاح هذه الصورة أيضا في: کوردی