فەلاح مستەفا: پێشمەرگە ناچیتە ناڤ باژاری مووسلێ
waar – دهوك :
بەرپرسێ فەرمانگەھا پەیوەندییێن دەرڤە یێن ھەرێما کوردستانێ، بەحسا ئۆپەراسیۆنا رزگارکرنا مووسلێ کر و راگەھاند؛ گەھشتینە قۆناغا داویێ یا بەرھەڤییان و پێشمەرگەی نیاز نینە بچیتە ئالیێ دیێ دەڤەرێن کوردستانی و ناچیتە ناڤا مووسلێ.
د دیدارەکێ د گەل کەنالێ فرانس٢٤ یێ فرەنسی، فەلاح مستەفا، بەرپرسێ پەیوەندییێن دەرڤە ییێن ھەرێما کوردستانێ ئاشکرا کر؛ ژ بلی ھەماھەنگییا سەربازی د ناڤبەرا ئالییێن پشکدار د ئۆپەراسیۆنا رزگارکرنا مووسلێ دا، پێدڤییە رێککەفتن و ھەماھەنگییا سیاسی ژی بۆ قۆناغا پشتی داعشێ ل ناڤا وی باژاری ھەبیت.
فەلاح مستەفا ئاشکرا ژی کر؛ پێدڤییە ژێدەرێن دروستبوونا داعشێ بھێنە چارەکرن، بەغدا ژی گرەنتیا پاشەرۆژەکا باشتر بدەتە وەلاتییێن سوننەمەزھەبێن مووسلێ، پشکداریا حەشدا شەعبی ژی نەبیتە ئەگەرێ سەرھلدانا کێشەیێن تائیفی وەکو یێن ل فەللووجە رووداین.
بەرپرسێ پەیوەندییێن دەرڤە یێن حکومەتا ھەرێمێ دوپات ژی کر، پێشمەرگە بەرھەڤە پشکداریێ د شەرێ مووسلێ دا بکەت، لێ نیاز نینە ژ دەڤەرێن کوردستانی دەرباز بیت و ناچیتە ناڤا مووسلێ.
تُتاح هذه الصورة أيضا في: کوردی