زارۆكهك دكارت تەماشهيا پشتا خۆ ژى بکت
خەندان
خوێندكارێك لە هیندستان كە حاڵەتێكی دەگمەنی هەبوو بەوەی ملی بە گۆشەی 180 پلە شۆڕدەبێتەوە، ئێستا بەهۆی نەشتەرگەرییەوە گەڕاوەتەوە بۆ ژیانی ئاسایی.
خوێندكارەكە كوڕە و تەمەنی 13 ساڵانە و ناوی ماهێندرا ئەهیروارە، خەڵكی شاری مادیاه پلادێشی هیندستانە، پێش نەشتەرگەرییەكە بەدرێژایی ڕۆژ بە تەنها لەماڵەوە بووە و دایكی وتویەتی چیتر نەیتوانیوە بەو شێوەیە بیبینێت و ئازار بچێژێت.
حاڵەتە دەگمەنەكەی ماهێندرا بریتیە لەوەی ماسولكەكانی ئەوەندە لاوازن ناتوانن سەری ڕابگرن و ملی بە گۆشەی 180 پلە شۆڕدەبێتەوە.
بەو ملە شۆڕەوە ماهێندرا تەنها توانیویەتی دابنیشێت و نەیتوانیوە هەڵبسێت و بڕوات و تەنانەت نانبخوات و بچێت بۆ تەوالێت.
بەڵام دوای ئەنجامدانی نەشتەرگەرییەك بۆ ڕاستكردنەوەی ملی ئێستا ژیانی ماهێندرا گۆڕاوە دەتوانێت جیهان بەشێوەیەكی “ڕاست” ببینێت و هەموو ئەو شتانە بكات بە هاوڕێكانی لە قوتابخانە ئەنجامی دەدەن.
تێچوونی نەشتەرگەرییەكە لەلایەن جولی جەونز، خەڵكی بەریتانیا و دایكی دوو منداڵەوە دابینكراوە كاتێک چیرۆكی ماهێندرای خۆێندووەتەوە و 12 هەزار پاوەن بۆ تێچوونی نەشتەرگەرییەكە كۆبكاتەوە.
پێش ئەنجامدانی نەشتەرگەرییەكە، خێزانی ماهێندرا چەندین ساڵ بەدوای چارەسەردا گەڕاون و چارەسەری نەبووە و دایك و باوكی خۆزگەیان خواستووە كوڕەكەیان بمرێت نەكە بەو شێوەیە بەردەوام بێت لە ئازارچەشتن.
پێش نەشتەرگەرییەكە سۆمیترا، تەمەن 36 ساڵ، دایكی ماهێندرا ناچاربووە خواردنی پێبدات و ئاگاداری بێت و بیبات بۆ تەوالێت و بیشوات و جلی لەبەر بكات.
كاتێک چیرۆكی ماهێندرا بە جیهاندا بڵاوبۆتەوە د.راجاگۆپالان كریشنان، پزیشكی نەشتەركاری بڕبرەی پشت لە نەخۆشخانەی ئەپۆلۆ لە شاری دەلهی بڕیاریداوە یارمەتی بدات و نەشتەرگەرییەكی سەركەوتووی بۆ ئەنجامبدات.
تُتاح هذه الصورة أيضا في: کوردی