میران سەباح:هۆزانڤانێن ئێزدی ئازارو پەیاما خەلكێ خۆ گەهاندینە 
تۆرا لالش یا راگەهاندنێ
هۆزانڤان(میران سەباح) د كورتە دیدارەكێ دا بۆ رۆژناما دەنگێ لالش دیاركر،هۆزانڤانێن ئێزدی ب رێیا هۆزانێ ئێش و ئازارو پەیاما خەلكێ خۆ گەهاندینە و رۆلەكێ باش هەبووینە،دیسان هۆزانا كوردی دئاستەكێ باش دایە.
زێدەتر گۆت:دەستپێكا من بۆ نڤیسینا هەلبەستێ پشتی رۆخاندنا رژێما گۆربەگۆرا بەعسا سەدامی بوویە و هەر ژ زارۆكینیێ حەزا هۆنەری ب تایبەتی هەلبەستێ ل نك من هەبوو،هەلبەستێن من هەمەرەنگن و بابەتێن نیشتیمان پەروەری و دلداری و جڤاكی و پێكڤەژیانێ بخۆ ڤەدگرت،هەروەسا هۆزانێ چ دەم نینن دگونجای و دەستنیشانكری بۆ نڤیسینی،ژبەركو یە بێ سنوورە و ئەز و هەلبەست ب هەڤرا دژین و هەردەم هەڤالین بێ هۆزان نكارم،چنكو پارچەكە ژ لەشێ من،هەروەسا كارەساتا مەزنا شنگالێ ئەز پر ئێشاندم و پتر هاندام دەردێ خەلكێ خۆ و چیرۆك و سەرهاتیێت ب ئێش و كاریگەر بكەم هەلبەست و پەیام وبگەهینم مرۆڤایەتیێ، پتریا هەلبەستێن خۆ ژی من ب كچ و خوشك و دەیكێن مەیێن گرتی و شنگال و كۆچۆ و دەردەسەری و فەرمانێ ڤە یێت ڤەهاندین.
دیاركر ژی هۆزانڤانێن ئێزدی تارادەیەكێ باش ب رێیا هەلبەستێ ئێش و ئازارو پەیاما خەلكێ خۆ گەهاندینە و رۆلەكێ باش هەبووینە،هەروەسا هۆزانا كوردی دئاستەكێ گەلەك باش دایە و دبینم بەرەف ساخ بوونێ ڤە دچت و دمەیدانا هۆنەری دا رۆلەكی مەزن دیتییە،ژبۆ گەهاندنا ئێش و ئازارێن گەلێ مە دا.
ناڤبری خەلكێ ناوچەدارییا باعەدرێ یە و بەرهەمەكێ سیدی هەیە ب ناڤێ (بێ سۆز) و كلیپەك ژی ل سەر كۆمكوژیا گوندێ كۆچۆ دروستكریە و بەلاڤكریە.
تُتاح هذه الصورة أيضا في: کوردی