بادەكا ناوچەداریبوونا كۆمەلگەها خانكێ بۆ ئەنجوومەنێ وەزیران هاتیە هنارتن
تۆرا لالش یا راگەهاندنێ
بادەكا ناوچەداریبوونا كۆمەلگەها خانكێ پتریا قۆناغێن خۆ یێن دەربازكرین و هاتیە هنارتن بۆ سەرۆكاتیا ئەنجوومەنێ وەزیرێن هەرێما كوردستانێ،سەرۆكێ ئەنجوومەنێ پارێزگەها دهۆكێ ژی دبێژت:خانكێ بوویە باژێر و هەموو بنەمایێن ناوچەداریبوونێ یێن لێ هەین.
فەهیم عبداللە،سەرۆكێ ئەنجوومەنێ پارێزگەها دهۆكێ بۆ رۆژنامەیا دەنگێ لالش دیاركر:”ب رەنگەكێ گشتی ناوچەداریبوونا كۆمەلگەها خانكێ پتریا قۆناغێن خۆ یێن دەربازكرین،هەر ژ پارێزگەهێ و پەسەندكرنا وێ ژلایێ ئەنجوومەنێ پارێزگەهێ ڤە و وەزارەتا ناڤخۆ ژی دۆسە و بادەكا ڤی بابەتی یا هنارتی بۆ سەرۆكاتیا ئەنجوومەنێ وەزیران و گۆت:”دوێ باوەریێ دامە كو سەرۆكاتیا ئەنجوومەنێ وەزیران ژی هیچ رێگرییەك نابتن لمەسەلا ناوچەداریبوونا وێ دا،ژبەركو مافەكێ گەلەك و گەلەك یێ سروشتی یێ باژێرێ خانكێ دكارم بێژم چنكو بوویە باژێرەك و هەموو بنەمایێن ناوچەداریبوونێ لێ هەینە، ژبەر هندێ ژی ب دیتنا من كو تاكە رێگری و ئاستەنگا هەی گرێدایی قەیرانا دارایی یا كو هەرێم تێرا دەرباز دبتن،بۆ جێبەجێبوونا بریارا ناوچەداریبوونێ یان دەركرنا بریارێ”.
گۆتژی ب ناوچەداریبوونا خانكێ پێتڤی ب ستافەكی هەیە بێنە دامەزراندن و پێـتڤی ب هندەك شانا هەیە بۆ فەرمانگەهێن وێ و بوودجەیەكی ژی هەیە،ژبەر هندێ دبینم رەنگە ئاستەنگا سەرەكی جارێ ئەڤ مەسەلە بت،هەموو رازەمەندی یین دەربازبووین نەدەركەتنا بریارا داویی ئەكەر ئەفا من دیاركری یە.
تُتاح هذه الصورة أيضا في: کوردی