حەفت وەلاتیێن ھەرێمێ ب تۆمەتا داعشبوونێ ھاتنە دەستەسەرکرن
ئهڤرۆ نیوز:
بەرپرسەکێ وەزارەتا ئەوقاف و کاروبارێن ئایینی ئاماژە دا وێ چەندێ کو حەفت وەلاتیێن ھەرێما کوردستانێ ب تۆمەتا ھاریکاریا تیرۆرستێن داعش ل وەلاتێن ئورۆپا ھاتینە دەستەسەرکرن و گۆت: “وان کەسان ناڤێن خوە ژی گۆھڕینە داکو نەھێنە دەستەسەکرن”.
مەریوان نەقشبەندی، رێڤەبەرێ پەیوەندیێن وەزارەتا ئەوقاف و کاروبارێن ئایینی یا حوکمەتا ھەرێما کوردستانێ بۆ رۆژناما ئەڤرۆ ئاشکری بەری نوکە وان دەست ب کۆمکرنا بەلگە و دیکۆمێنێتا لدۆر گروپێ تیرۆرستی یێ داعش کریە و وەکو وەزارەتا ئەوقاف و کاروبارێن ئایینی، ئەنجامێ دووڤچوونا وان بەلگە بدەست وان کەفتینە کو ھژمارەکا وەلاتیێن ھەرێما کوردستانێ ل وەلاتێن ئورۆپا دەست دگەل تیرۆرستێن داعش ھەیە و ھزرا تیرۆرستێن داعش بەلاڤ دکەن و گۆت: “بەلگەیێن دروست ل سەر 10 وەلاتیێن کورد ب ئەڤا وەلاتان ھاتنەدان و رۆژێن بۆری حەفت ژوانا ھاتینە دەستەسەرکرن، بەلێ ئەڤان وەلاتان بمە راگەھاندیە ئەو بخوە دێ ڤەکۆلینێ دگەل کەن و ھێنە سزادان ژ بەر ڤێ چەندێ مە ژێ داخواز نەکریە رادەستی ھەرێمێ بھێنەکرن”.
ناڤھاتی ئاماژە دا وێ چەندێ کو ئەڤان وەلاتیێن ھەرێما کوردستانێ ناڤێن خوە ل وەلاتێن بیانی گھۆریبوون لەوڕا ب زەحمەت ھاتنە دەستەسەرکرن، چونکی پاسپۆرتێن خوە دڕاندینە و ھندەک ناڤێن دی یێن داناینە سەر خوە و گۆت: “ھەموو ناڤ ژی ل نیک مە ھەنە کا خەلکێ کیژ باژێڕینە و بەری نوکە ل ھەرێما کوردستانێ چو کارکریە، بەلێ ئەم ناڤ و جھێن وان ئەشکرە ناکەین و ڤان کەسان ئوفیس و جھێن ئایینی ل ئورۆپا بکار دئینان بۆ بەرژەوەندیا تیرۆرستێن داعش و ھاریکاری بۆ ئەڤێ گرۆپێ کۆم دکرن”.
تُتاح هذه الصورة أيضا في: کوردی