سەفین دزەیی: چ گەرەنتی بۆ پابەندبوونا بەغدایێ ب رێککەفتنا ئابۆری نینن
waar – دهوك :
پەیڤدارێ حکومەتا ھەرێما کوردستانێ راگەھاند؛ چ گەرەنتی بۆ پابەندبوونا بەغدایێ ب رێککەفتنا ئابۆری یا دگ ەل ھەرێمێ دا نینن.
سەفین دزەیی پەیڤدارێ حکومەتا ھەرێما کوردستانێ بۆ ئاژانسا ئەنادۆل گۆت: یاسایا بودجەیا ئیراقێ یا سالا دوھزار و ھەڤدێ رەتدکەین، ژ بەرکو چ مفایی نا گەھینیت ھەرێمێ، ئاماژەکر ژی ژ بەر بەرژەوەندیێن وەلاتیێن ھەرێما کوردستانێ، حکومەتا ھەرێمێ داخوازێ دکەت ب شێوەیەکێ باشتر مامەلێ د گەل ھەرێما کوردستانێ دا بکەت.
دزەیی گۆتژی: ل کانوونا ئێکێ یا سالا دوھزار و چاردێ رێککەفتنا حکومەتا ھەرێمێ و ئیراقێ ژ ئالیێ جڤاتا وەزیرێن ئیراقێ ڤە ھات پەسەندکر و پاشان بۆ پشکەک ژ یاسایا بودجەی، لێ حکومەتا ئیراقێ نە تنێ پێگیری ب رێککەفتنێ نەکر، بەلکو مووچە و بودجەیا خەلکێ کوردستانێ ژی بری.
دوپاتکر ژی، کو ب ھەما شێوە چ گرەنتییەک بۆ پابەندبوونا بەغدایێ ب رێککەفتنا ئابۆری دگەل ھەرێما کوردستانێ نینە، لێ پێشڤەچوون ب خوەڤە دیتینە، ئەگەر نە، بێی ھەبوونا چ کێشەیەکێ پێگیری رێککەفتنا سەربازی بوویە د گەل ھەرێمێ دا و نھا ژی ھەماھەنگییەکا باش د ناڤبەرا ھێزێن پێشمەرگەی و سوپایێ ئیراقێ دا ھەیە.
تُتاح هذه الصورة أيضا في: کوردی