بۆ پەرلەمانتۆیا هەرێما کوردستانێ
سرحان عیسی 
سلاڤەکا نشتیمان پەروەرانی و کوردستانیانە ژبۆ هەمی پەرلەمانتاران
ئەڤە نزیک دوو سال و نیڤا بۆری ل سەر دەست بکاربوون و سووند خوارنا بەڕێز شیخ شامۆ شیخۆ وەکو ئەندامێ پەرلەمانتۆیا کوردستانێ . ژوێ ڕۆژێ و هەتا ئیرۆ مرۆڤ هیژمەکار و عەجێبگرتیێ ڤێ کەسایەتیا خوەدیا ژیرمەندیێ و ڤێ ئاقلداریا مەزن یا کو ڕۆناهیێ ددە ڕێیا ئێزدیان .
ئەڤ زەلامێ هلگرێ ڕەفتارا و تەعاملا باش یێ کو هەمی مەیدانێن سیاسی و لەشکەری و جڤاکی و ڕۆشەنبیری و فێرکرنێ و حەتا یێن دینی ژی ژێڕا دبنە شاهد ل سەر هەستێ وی یێ نیشتمانیێ بلند و گیانێ وی تێر بەرهەم .
ڕۆژەک ل سەر خۆشتڤیێ وی ڕا دەربازنابە بێ کو گوداریا کەیف خۆشیا کارۆ چالاکی و بزاڤێن وی و چاڤپێکەفتن و هەلویستێن وی یێن وێرەکانە و باشقە ژ یێن دی .
ژبلی قەبارێ مەرگەساتا ب سەرێ کوردێن ئیزدی هاتی ل شنگالێ و گرانیا وێ ل سەر نەفسیەتا هەر سەرکردەکی خوە دبینە بەرامبەر بەرپرساتیەکا دیرۆکی ، بەلێ شیخ شامۆ ب دیتن و شێوازەکی کوورتر و فرەتر تەعامل دگەل وێ مەرگەساتێ کر ب کارینێن زێدەتر ژ تاقەت و پێچێبوونێن خوە . بەلێ ڕژدبوونا وی ل سەر ڕاکرنا زولم و کەربێ شیخ شامۆ پالدایە ژبۆ دەست پێشخەریا ڕابوونا ئەڤان کاران :
۱ـ ئامادەبوونا وی یا بەردەوام ل مەیدانێن شەری مل ب ملێ پێشمەرگەی ل خەستەخانا ژبۆ سەرەخوەشکرنێ ل برینداران .
۲ـ پێگیریا وی ب ئەرکێن وی ل همبەر ئاوارەیێن ئێزدی.
۳ـ خزمەتا فێرخوازێن زانینگەهێ .
٤ـ خزمەتا دەربەدەرو و ئاوارەیان.
٥ـ چاندنا کەیف خوەشی و گرنژینێ ل سەر ڕوویێ زاڕۆکان.
٦ـ خورتکرنا کەلتۆرێ حەژێکرنێ و براتیێ و لێبۆرینێ ژئالیێ دەستنیشانکرنا پارەک ژ چالاکیێن خوە بۆ جهێن پەرستنێ ژ مزگەفتا و دێرا و پەرستگەهان . کو ژ مزگەفتێ دەردکەڤت و دچە هندرێ دێرێ ، و دچە لالشێ و ژ وێدەرێ دچە پەرلەمانی و پاشی دزڤڕە مەیدانێن شەڕی مل ب ملێ قارەمانێن مە .
۷ـ کارکرن ب ئارامی و ڕەفتارا ئاقلمەندانە و ب سیاسەتەکا نەرم .
۸ـ گڕێدانا پڕێن گەهاندنێ دناڤبەرا جڤاکێن ئێزدیاندا ل کیدرێ بن ، دەست پێبکە ژ ئێزدیێن عیراقێ و دەربازبوون ژ ئێزدیێن سووریا ، تورکیا ، ئەرمنیا و جۆرجیا ، ئەڤ کارەبوو یێ کو پێکهاتێ ئێزدی پێدڤی بوو ژبۆ خورتکرنا گیانێ براتی و حەژێکرنێ دناڤبەرا وان ب خوەدە .
ل ڤێدرێ ئەم نکارن کو بەرێ خوە نەدنە وێ فەرقیا دناڤبەرا قوربانیێن مەرن یێن هێژا شیخ شامۆ و یێن وانێن دیتر ئەنجامداین ژ :
۱ـ گۆتنێن هەڤدژ یێن کو خزمەت ومفایێ ل ئێزدیان نەکت .
۲ـ ڕەفتارکرن لگەل کاودانا ب ئاستەکیێ ڕەوشەنبیری و ئەخلاقیێ نزم کو خزمەتا ڕەوشا نهۆ ناکەت.
۳ـ ڕەگەزپەرستیەکا کوور ژبۆ خرابکرنێ ل شوونا ڕەفتارکرنێ ب گیانەکێ براتی و لێبۆرین ژبۆ ئاڤاکرنا پێشەڕۆژەکا نوو .
٥ـ بازرگانیکرن ب برینا ئێزدیان .
٦ـ ڕەفتار ب هەلچۆن و بێ پاکیێ و ڕابوون ئەنجامدانا کارێن زارۆتیێن سەرگەرم یێن کو خزمەتا دۆزا ئێزدیان نەکن .
۷ـ ئازراندنا کێشەیێن تایفەگەری و دوژمناتیا هەر کەسەکێ سەرب نەژادێ کوردی و ئۆلا ئێزدی ڤە و هەروەسا بەلاڤکرنا دوژمناتیێ ل دژی حکوومەتا هەریما کوردستانێ و پڕۆپاکندەکرن ژبۆ پەیامەکا توند کو خزمەتا جڤاکێن کوردستانی نەکت .
پەیڤ دسەکنن و نکارن دەربرینێ ژ وێ چەندێ بکەت ئەوا کو ئەڤ زەلامێ خودان ئاوات دکەت ، و چ خەلات نکارن جهێ قەنجیا وی بگرن . ل ڤر ئەز نکارم تشتەکی بێژم ژبلی سۆپاسیا ژبۆ وان دەنگێن ئەو هەلبژارتی ژبۆ ڤی ئەرکێ پەرلەمانیێ سەرکەفتی . و ئەز پرسیارەکێ پێشکێشی هەڤکارێن وی ل پەرلەمانی دکم و ئەڤ پرسیارە ل بیرا گەلەکێن دی وەکە منە مافێ ڤی کەسییە بێتە خەلاتکرن ژ ئالیێ پەرلەمانێ کوردستانێ ڤە ، گەلۆ هیژا شیخ شامۆ یێ وەرە خەلاتکرن ژلایێ پەرلەمانێ کوردستانێڤە؟ ب تایبەتی کو شیخ یێ بەرنیاسە ژبۆ خزمەتکرنا بەردەوام بۆ حکوومەت و پەرلەمانێ هەرێمێ دعەینی وەخت دا .
پەرلەمانێ هەرێما کوردستانێ قەردارێ قوربانیێن وان قارەمانێت شیانێت خوە بکارئانین یێن وەکی پێشمەرگا و هێژا شیخ شامۆ ژبلی وان ب هەزاران ژ کوڕێن گەلێن مە یێن گیانێ خۆ کرینە قوربانی سەخمارەتی وەلاتی و هاوەلاتی ، هەروەسا جڤاکێ ئێزدی قەردارێ سەرکردێ خۆ وسەربازێن خوەیێن نەدیار یێن کو گیان و خوونا خوە کرینە فیداکار بۆ وی .
تُتاح هذه الصورة أيضا في: کوردی