ئۆلاند و بارزانی سەرەدانا چەپەرێن پێشمەرگەی ل چیایێ زەرتکی کر
waar – دهوك :
سەرۆککۆمارێ فرەنسایێ ب سەرەدانەکا فەرمی گەھشتە ھەولێرا پایتەخت و ژ ئالیێ سەرۆکێ ھەرێما کوردستانێ ڤە ھات پێشوازیکرن.
فرانسوا ئۆلاند ب یاوەرییا شاندەکا وەلاتێ خوە پشتی سەرەدان خوە و کۆمبوونێن خوە ل بەغدایێ ب داوی ئیناین، گەھشتە ھەولێرێ و ژ ئالێ مەسعوود بارزانی سەرۆکێ ھەرێما کوردستانێ ڤە ھات پێشوازیکرن.
پشتی گەھشتنا سەرۆکێ فرەنسایێ بۆ ھەولێرێ د گەل سەرۆکێ ھەرێما کوردستانێ دا سەرەدانا چەپەرێن پێشمەرگەی کر و ژنێزیک ھایداری رەوشا بەرەیێن شەری و پێشڤەچوونێن ئۆپەراسیۆنا رزگارکرنا مووسلێ بوو.
بریارە سەرۆکێ فرەنسایێ د سەرەدانا خوە یا ھەرێمێ دا شەرێ دژی تیرۆرێ و پرسا ئاوارەیان و چاوانییا زێدەکرنا ھاریکارییان د گەل رایەدارێن ھەرێمێ دا گۆتووبێژ بکەت و دهێت چاڤه‌رێکرن کۆنگرەیەکێ رۆژنامەڤانی ژی د گەل سەرۆکێ ھەرێما کوردستانێ دا ئەنجان بدەت.
تُتاح هذه الصورة أيضا في: کوردی