ئۆفیسا دەزگەهێ بارزانی ل شنگالێ:لایەنێن سیاسی ئاستەنگا بۆ مە و رێكخراوێن بیانی چێدكن
تۆرا لالش یا راگەهاندنێ
بەرپرسێ ئۆفیسا دەزگەهێ خێرخوازیێ بارزانی ل شنگالێ ئاشكەراكر:”گەلەك جاران لایەنێن سیاسی ئاستەنگا بۆ مە و رێكخراوێن دی یێن بیانی چێدكن و ناهێلن ب دروستی كارێ خۆ ئەنجام بدەین،لەوا داخوازێ دكن نەبنە ئاستەنگ درێیا رێكخراوان و گەلەك ئاواران ژی ئەم ئاگەهداركرینە ژبەر ڤان جۆرە لایەنا،نكارن بێنە سەر ملك و مالێن خۆڤە”.
پیر دیان جعفر،بۆ رۆژناما دەنگێ لالش راگەهاند:”ئۆفیسا دەزگەهی ل 1/8/2015ێ،دەست ب كارێ خۆ كر ل سەردەشتێ و ئۆفیسا رۆژئاڤایێ دجلەیە كو شنگال و سنوونێ و ربیعە و زوومارێ ب خۆ ڤە دگرت،پشتی مە پلانا كارێ خۆ دانایی پرۆژێ ئێكێ مە دانایی پرۆژێ ژیان بوو،ژوان 3000 خیڤەتێن ل سەردەشتێ دگرت و بۆ هەر خێزانەكێ سێ ئەمپێرێن كارەبێ ددەینێ بێ بەرامبەر ب رێیا موەلدێن كارەبێ،هەروەسا مە دوو قوتابخانە ل سەردەشتێ ڤەكرینە ئێك بنەرەتیە و یا دی ئامادەیی یە و ب زمانێ كوردینە،چنكو ئەڤ دووسال بوون خەلكێ وێ دەڤەرێ ژ قوتابخانێ بێ بەهربوون و موچێ مامۆستایێن هەردوو قوتابخانان دەزگەه ددەتێ و گۆت:”گەلەك جاران لایەنێن سیاسی ئاستەنگا بۆ مە و رێكخراوێن دی یێن بیانی چێدكن و ناهێلن ب دروستی كارێ خۆ ئەنجام بدەین،لەوا داخوازێ دكن نەبنە ئاستەنگ درێیا رێكخراوان و گەلەك ئاواران ژی ئەم ئاگەهداركرینە ژبەر ڤان جۆرە لایەنا،نكارن بێنە سەر ملك و مالێن خۆڤە”.
گۆتژی سێ بیر تەوازی ل دەڤەرێ مە كۆلاینە بۆ گەهاندنا ئاڤێ بۆ خەلكێ ب رێیا تانكەرەكی و بێ بەرامبەر و پاسەك ژی مە دابینكریە بۆ گەهاندنا قوتابیان بۆ قوتابخانێ و ڤەگەراندنا وان بۆ مال و ل نێزیك دێ ئێكا دی ژی دابین كەین،ژلایێ كەل و پەلێن خوارنێ ڤە هەیڤانە دئێتە دابەشكرن ل سەر خێزانان و ب هەڤكاری دگەل رێكخراوا (دەبلیو ئێف پی)،هەروەسا مە هندەك كێماسی ژی هەینە ل گۆر ئەپدێتا مە نێزیكی(8066) خێزان ل شنگالێ هەینە ئەوێن بەری نۆكە دلێ و یێن ڤەگەریان ژی و ب تایبەت ئەوێن ژ كەمپا نەورۆز هاتینە بەر مەزارگەهێ شەرفەدین،لێ كەل و پەل بتنێ ل سەر 1871 خێزانی دئێتە دابەشكرن و مە وەك دەزگەه و وەك كەس ژی گەلەك هەول داینە دگەل وەزارەتا كۆچ و كۆچبەران ل ئۆفیسا دهۆكێ بۆ مە قەرەبوو بكەتن وان خێزانان و ب سوپاسی ڤە هاریكاری كرن ب دانا 6000 كارتۆنێن كەل و پەلان و 5500 كارتۆنێن تەندروستی و 2000 كارتۆنێن پێتڤین ناڤ مالێ و 3000 نایلۆنێن بن خیڤەتا،پشتی هەولدانێن مە یێن بەردەوام بۆ دام و دەزگەهێن حكومی و میری و دیسان مە سەرەدانا هێلا سۆرا عێراقی كر ل ئۆفیسا دهۆك وان ژی ب سوپاسی ڤە 1000 كارتۆنێن ئاهێن خوارنێ بۆ مە دابینكرن و مەبرنە وان دەڤەرا و ل سەر خێزانان بەلاڤكرن،ئەوێن ل سەر وان نەهاتینە دابەشكرن.
بەرپرسێ ئۆفیسا دەزگەهێ خێرخوازیێ بارزانی ئاماژەكر:”مە هەڤكاری دگەل قایممقامیا قەزا شێخان كریە سەد لێتەرێن گازا سپی بۆ هەر خێزانەكێ و سەرەرای هەڤكاریا مە دگەل رێكخراوا جین یا یابانی كو بەری نۆكە دووجارا گاز ل سەر وان خێزانێن سەردەشتێ و شەرفەدین بەلاڤكر و بۆ هەر خێزانەكێ 75 لێتەربوون،دیسان ب هەڤكاریا دەزگەهێ ئێن دی ئێس یێ ئەمریكی مە 4000 سۆپە ل سەر خەلكێ سەردەشتێ و شەرفەدین بەلاڤكرینە”.
تُتاح هذه الصورة أيضا في: کوردی